ՄԱԿ-ի՝ մարդու իրավունքների գերագույն հանձնակատար Զեյդ Ռաադ ալ-Հուսեյնը ՄԱԿ-ի մարդու իրավունքների խորհրդի 33-րդ նիստի բացման արարողությանը հայտարարել է, որ իրենք չեն կարողանում մուտք գործել Լեռնային Ղարաբաղի հակամարտության գոտի: Ելույթն ամբողջությամբ տեղադրված է գերագույն հանձնակատարի գրասենյակի կայքում:
«Իմ գրասենյակը չի կարողացել մուտք գործել Լեռնային Ղարաբաղի հակամարտության գոտի, այդ թվում 2016թ. ապրիլի դեպքերից հետո: Հետևաբար, մարդու իրավունքների խախտումների վերաբերյալ հակասական բողոքները չեն կարող ստուգվել, և հարյուր հազարավոր ներքին տեղահանվածների ու փախստականների խնդրանքները պատշաճ կերպով չեն ուսումնասիրվել վերջին տասնամյակներում՝ ոչ իմ գրասենյակի, ոչ միջազգային հանրության կողմից»,- ասել է հանձնակատարը:
ՄԱԿ-ի հանձնակատարի այս հայտարարությունը ադրբեջանական լրատվամիջոցների կողմից մեկնաբանվում է այնպես, որ իբր հենց հայկական կողմից է խոչընդոտվում պաշտոնյաների մուտքը, մինչդեռ Զեյդ Ռաադ ալ-Հուսեյնն իր հայտարարության մեջ երկրների անուններ չի նշում և օգտագործում է «Լեռնային Ղարաբաղի հակամարտության գոտի» արտահայտությունը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
