Երեկ ԱԺ-կառավարություն հարցուպատասխանի ժամանակ ԲՀԿ խմբակցության պատգամավոր Վահե Էնֆիաջյանը հարցրեց՝ ի՞նչն է պատճառը, որ ՀՀ քաղաքացիները նախընտրում են Թբիլիսիի օդանավակայանից օգտվել, ոչ թե Զվարթնոցից, նախընտրում են ավիատոմսեր գնել Թբիլիսիից:
Էկոնոմիկայի նախարարի պաշտոնակատար Արծվիկ Մինասյանը պատասխանեց, որ իրենք ուսումնասիրություններ են կատարել «Զվարթնոց» օդանավակայանում գների հետ կապված. «Հիմք են ընդունվել միջազգային փորձի տեսակետից նախընտրելի չափանիշներ: A-320 ուղեւորատար օդանավի սպասարկման դիմաց սակագները «Զվարթնոցում» 5827 ԱՄՆ դոլար է, Թբիլիսիի եւ Բաքվի օդանավակայանների ցուցանիշներն են 6652 եւ 10139 դոլար: Սա վկայում է, որ Զվարթնոցում 1 ինքնաթիռի հաշվարկով սակագներում մենք ունենք գնային մրցակցային առավելություն»:
Նա ասաց, որ կան չվերթներ եւ ուղղություններ, որ «Զվարթնոցը», ի տարբերություն Թբիլիսիի, չի սպասարկում. «Դուբայի ուղղությամբ մենք Վրաստանի հետ համեմատած ունենք 9 տոկոս գնային առավելություն «Սիբիր էյրլայնսի» միջոցով Մոսկվա թռչող ինքնաթիռների մասով ունենք 47 տոկոս առավելություն»:
Արծվիկ Մինասյանն ասաց, որ բաց երկնքի քաղաքականության շրջանակներում հիմա ուսումնասիրություններ են անում դաշտում՝ խնդիրները գտնելու եւ լուծում տալու համար:
Կարդացեք նաև
Հռիփսիմե ՋԵԲԵՋՅԱՆ
