«Մոդուս վիվենդի» կենտրոնի ղեկավար Արա Պապյանի կանխատեսմամբ, առաջիկայում ԼՂ շփման գծում իրավիճակը կրկին կսրվի:
«Չեմ կարծում, որ լայնածավալ պատերազմ լինի, որովհետեւ այսօր քաղաքականությունը հետեւյալն է՝ հայկական կողմին ճնշելով՝ փորձել կորզել մեծ զիջումներ»,- «Տեսակետ» ակումբում այսօր ասաց Արա Պապյանը:
Նա անդրադարձավ նաեւ ԵԱՀԿ Մինսկի խմբի ամերիկացի համանախագահ Ջեյմս Ուորլիքի հարցազրույցին, որը վերաբերում էր տարածքների զիջմանը:
«Ես կասեի՝ ոչ թե տարածքների զիջում, այլ՝ հանձնում: 1994 թվականից Բիշկեքի համաձայնագրից հետո այդ սկզբունքն է գործել՝ տարածքներ ինչ-որ բանի դիմաց: Սկզբում՝ տարածքներ կարգավիճակի դիմաց, հետո՝ տարածքներ խաղաղության դիմաց: Վերջին քննարկումների ժամանակ դարձավ տարածքներ՝ միջանկյալ կարգավիճակի դիմաց:
Կարդացեք նաև
Սա նորություն չէ, այն, ինչ ցանել ենք 1994-ին, զարգացրել մադրիդյան սկզբունքներով, հիմա ստանում ենք… հանուն խաղաղության արվող զիջումները կբերեն ոչ թե խաղաղություն, այլ սաստիկ պատերազմ: Մեր ընտրությունը վատի եւ ավելի վատի միջեւ է, իսկ վատը ներկա վիճակն է: Տարածքների զիջումը ավելի վատ վիճակի կբերի, որովհետեւ ԼՂ-ն դառնում է խոցելի, նրա բնակավայրերը հայտնվում են հրետակոծության տակ…
Իսկ քանի որ բանակցային գործընթացը շարունակվում է, այլընտրանք չունենք՝ տարածքների հանձնման չարագույժ ուղտը չոքել է Սերժ Սարգսյանի դռանը, բայց երբ 2008-Ին նա գալիս էր իշխանության, լավ գիտեր՝ ինչ է իրեն սպասվում»:
Իսկ ինչու են համանախագահները այժմ բարձրաձայնում տարածքների զիջման հարցը, այս հարցին պարոն Պապյանը պատասխանեց. «Որովհետեւ ՀՀ իշխանությունները ամենախոցելի վիճակում են, քան երբեւէ, առաջիկա ընտրություններին ավելի խոցելի վիճակում կհայտնվեն: Իսկ ինչ պետք է զիջեն իշխանությունը պահելու համար՝ Ղարաբաղը, որովհետեւ էլ ուրիշ բան չկա զիջելու, մեր միակ հաղթանակը, որ մինչեւ հիմա մնացել է Ղարաբաղն է»:
Արփինե ՍԻՄՈՆՅԱՆ
Ուխտը չի չոքում, ուղտն է չոքում:
Վրիպակն ուղղեցինք, շնորհակալություն
Ցավոք,մեր իշխանավորների ազգադավ(բոլոր ասպարեզներում) քաղաքականության, վարվելակերպի,ազգի հանդեպ ամենավերջի վատ վերաբերմունքի արդյունքով,կարող է չոքել եւ ուղտը եւ ուխտը:Ի դեպ,ուխտը այսօր չէ,որ չոքել է…Ամեն բան դրժվեց…ՈՒԽՏԸ ԱՍԱԼԱՆ էր…