Այսօր ԱԺ նիստի սկզբում ՀԱԿ խմբակցության պատգամավոր Նիկոլ Փաշինյանը հայտարարեց, որ արդարադատության նախարարությունը եւ մասնավորապես քրեակատարողական վարչությունը կոպտորեն խախտում է ձերբակալված եւ կալանավորված անձանց պահելու մասին 48-րդ հոդվածը եւ հնարավորություն չի տալիս տեսակցել մի շարք անձանց հետ պատգամավորներին: Խոսքը «Սասնա ծռերի» մասին է: Օրենքը հստակ սահմանում է, բայց այս ապօրինությունը ԱԺ պատգամավորների նկատմամբ այս էլ որերորդ անգամ տեղի է ունենում: Ավելի կոպիտ խախտման է գնացել ԱԱԾ-ն, որը ձերբակալված եւ կալանավորված անձանց պահելու վայր պատգամավորի մուտքի եւ ելքի իրավունքը խոչընդոտել է: Նա հորդորեց այս հարցը պահել ուշադրության կենտրոնում եւ համապատասխան պարզաբանում պահանջել ԱՆ-ից եւ ԱԱԾ-ից:
ԱԺ նախագահ Գալուստ Սահակյանը պատասխանեց. «Ես կարծում եմ, որ դուք կարող եք ավելի հանգամանորեն ներկայացնել, թե ում եք ցանկացել դիտել: Որևէ բան չեմ տեսնում, որ մենք կարող ենք միջամտել՝ խնդիրը լուծելու համար»:
Հռիփսիմե ՋԵԲԵՋՅԱՆ
