Ադրբեջանում այսօր ավարտվում է շախմատի տղամարդկանց եւ կանանց Համաշխարհային 42-րդ օլիմպիադան:
Հասկանալի պատճառներով, հարեւան հանրապետություն մեկնել հրաժարվել են ինչպես Համաշխարհային օլիմպիադայի եռակի հաղթող Հայաստանի տղամարդկանց, այնպես էլ կանանց հավաքականները: Նույն՝ անվտանգության նկատառումներով հարեւան հանրապետություն չեն մեկնել նաեւ այլ երկրների դրոշի ներքո հանդես եկող մեր բազմաթիվ հայրենակիցներ: Օրինակ՝ ԱՄՆ հավաքականի թեկնածուներ Սամուել Սեւյանը, Վարուժան Հակոբյանը, Տաթեւ Աբրահամյանը:
Սակայն Համաշխարհային օլիմպիադային հայ շախմատիստներ, այնուամենայնիվ, մասնակցում են: Նիդերլանդների կանանց հավաքականի կազմում է Աննա-Մայա Ղազարյանը, իսկ Ուզբեկստանի ընտրանում է Իրինա Գեւորգյանը:
Հայ երկու շախմատիստուհիներն էլ ընդհանուր առմամբ հաջող են հանդես եկել եւ լուրջ ներդրում են ունեցել իրենց թիմերի ձեռք բերած հաջողություններում: Այսօր կայանալիք վերջին տուրից առաջ, որում, ի դեպ, միմյանց հետ հանդիպելու են Նիդերլանդները եւ Ուզբեկստանը, Աննա-Մայա Ղազարյանի երկիրը թիմային 14,0 միավորով 140 երկրների մրցապայքարում ընթանում է 12-րդ հորիզոնականում, իսկ Ուզբեկստանը, որի կազմում է Իրինա Ղազարյանը, 31-րդն է:
Կարդացեք նաև
ԱՇՈՏ ՀԱԿՈԲՅԱՆ
«Առավոտ»
13.09.2016
