Մարզային մեր այցելությունների շրջանակներում գործընկերներիս հետ այցելեցինք Գեղարքունիքի մարզի Կարմիրգյուղ: Մարզային համայնքներում խնդիրներն ավելի շատ են, քան Երևանում և, կախված որոշակի հանգամանքներից, յուրաքանչյուր համայնք պետք է առանձնահատուկ դիտարկել: Շատ կարևոր է, որ հասցեական մոտեցում լինի համայնքների և նրանց բնակիչների հանդեպ:
Կարմիրցիների խնդիրները նույնպես առանձնակի ուշադրություն են պահանջում:
Այսօրվա հանդիպումների ընթացքում առավել մանրակրկիտ ուսումնասիրեցինք յուրաքանչյուր հարց, որպեսզի բարձրացված հարցերին մեր` պատգամավորական լիազորությունների շրջանակներում, հնարավորություն լինի արձագանքել:
Կարմիրգյուղում սպասվում են համայնքի ղեկավարի ընտրություններ, որին ԲՀԿ-ն առաջադրել է Միշա Դանիելյանի թեկնածությունը: Մարդ, ով մեծ հարգանք է վայելում հայրենի համայնքում:
Մենք մշտապես այցեր ենք ունենում ինչպես սահմանամերձ, այդպես էլ` մոտ համայնքները. միայն այդպես է հնարավոր ամբողջական պատկերացում կազմել համայնքին և նրա բնակիչներին մտահոգող խնդիրների մասին:
Կարմիրգյուղի բնակիչները վրդովված էին արդարության մթնոլորտի պակասից և նրանից, որ տնտեսական տարաբնույթ ծրագրերն ու ցուցանիշերը, գրեթե միշտ, շրջանցում են համայնքի բնակիչներին: Համայնքում մեծ է արտագնա աշխատանքի մեկնածների թիվը:
Այս անգամ ևս համայնքաբնակներն իրենց հետաքրրքվածությունն էին հայտնում Գագիկ Ծառուկյանի` քաղաքականություն վերադարձի կապակցությամբ, քանի որ առկա է հանրային մեծ պահանջ: Մարզային համայնքները պետք է մշտապես զգան, որ իրենք ուշադրության կենտրոնում են և որ նրանց ձայնը միշտ լինելու է լսելի:
Կարդացեք նաև
Վահե Էնֆիաջյան
