Տանձով եւ պանրով ֆրանսիական աղցան (տեսանյութ)

Աշնանը, երբ շուկայում հայտնվում են տանձն ու խաղողը, իսկական ժամանակն է փորձելու այս ինքնատիպ, շատ համեղ եւ թեթեւ աղցանը:

Անհրաժեշտ մթերքները

Տանձ- 1 հատ խոշոր կամ 2 փոքր
Հազարաթերթիկ (մառոլ)- 1 կապ
Խաղող- 1 ողկույզ
Ընկույզ կամ կաղին- 1 բաժակ
Մեղր- 2 ճաշի գդալ
Ձիթապտղի յուղ- 3 ճաշի գդալ
Կապույտ բորբոսով պանիր՝ ռոքֆոր, դոր բլյու, մաստարա կամ որեւէ այլ տեսակի- 100 գրամ
Սեւ աղացած պղպեղ- 1 թեյի գդալ
Բալզամիկ քացախ կամ լիմոնի հյութ- 2 ճաշի գդալ

Պատրաստման եղանակը

Կարդացեք նաև

Կառավարությունը բյուջետային երաշխիքներ կտրամադրի պտուղ-բանջարեղենի եւ խաղողի մթերման համար

• 11:47 01.08.2024

ՄՊՀ-ն հետամուտ է լինելու, որ «Ֆետա» անվանման ներքո իրացվող պանիրը բացառապես արտադրված լինի հստակորեն սահմանված աշխարհագրական տարածքում

• 11:34 26.02.2024

«Պանիր» անվանումով մթերքը բուսական յուղ չի կարող պարունակել. վերաքննիչ վարչական դատարանը կաթնային ճարպի փոխարինիչով մթերքների վերաբերյալ դիրքորոշումներ է արտահայտել

• 12:46 24.11.2023

Հազարաթերթիկը, տանձն ու խաղողը լավ լվացեք: Հազարաթերթիկը չորացրեք, կտրատեք աղցանամանի մեջ: Կտրատեք նաեւ տանձը: Խաղողի հատիկները առանձնացրեք: Մրգերը նույնպես լցրեք աղցանամանի մեջ:

Ընկույզը կամ կաղինը հարկավոր է կարամելացնել մեղրով: Դրա համար լցրեք ընկույզը թավայի մեջ, դրեք կրակին, մեկ րոպե անց ավելացրեք մեղրը, լավ խառնեք, վերցրեք կրակի վրայից, արագ լցրեք յուղաթղթի վրա: Երբ սառչի, առանձնացրեք հատիկները: Եթե ժամանակ չունեք այս գործողությունները կատարելու համար, կարող եք խանութից գնել պատրաստի վիճակում վաճառվող մեղրով կաղին:
Կարամելացված ընկույզը կամ կաղինը նույնպես լցրեք աղցանամանի մեջ: Ավելացրեք սեւ պղպեղը, ձիթապտղի յուղը, լավ խառնեք: Պանիրը կտրատեք խորանարդաձեւ կտորներով եւ նույնպես ավելացրեք աղցանին, շատ զգուշորեն, թեթեւակի խառնեք: Բալզամիկ քացախն ավելացրեք անմիջապես մատուցման պահին:

Այս աղցանը շատ լավ համադրվում է գինու հետ:

Բարի ախորժակ:

Պատրաստեց
ՄԵԼԱՆՅԱ ԲԱՐՍԵՂՅԱՆԸ

«Առավոտ»

10.09.2016