Պավլիկ Մանուկյանը, որին քիչ առաջ տեղափոխել են «Էրեբունի» բժշկական կենտրոն, գտնվում է նախավիրահատական շրջանում, վիրահատությունը տեղի կունենա վաղը: Այս մասին ասաց նրա պաշտպան, փաստաբան Հարություն Բաղդասարյանը: Ըստ նրա՝ քանի որ Պավլիկ Մանուկյանի հրազենային վնասվածքը բազմաբեկորային է, մարմնի մեջ առաջացել են տարբեր փոսեր: «Պարզ երեւում է, որ այդ բեկորները ոտքի մասից տարբեր տեղերից են դուրս եկել: Ճիշտ է, կրակոցը դիպուկահարից է, բայց էն ձեւի զենք է, որով կրակում են ոչ մարդկանց վրա: Այս պահին ընթանում են լրացուցիչ հետազոտություններ, Պավլիկը իրեն նորմալ է զգում»,- ասաց Հարություն Բաղդասարյանը:
Հիվանդանոց է եկել նաեւ Պավլիկ Մանուկյանի կինը՝ Մարինա Մանուկյանը, որին չի հաջողվել տեսնել ամուսնուն: Նա լրատվամիջոցներով փոխանցեց որդուն եւ ամուսնուն, որ անհամբեր սպասում է նրանց վերադարձին:
Անուշ ՄԱԹԵՎՈՍՅԱՆ
