Ռուսաստանում Հայաստանի համար անվճար կամ արտոնություններով կպատրաստվեն այնքան սպայական կադրեր, որքան պետք լինի Հայաստանին: Այս մասին սեպտեմբերի 6-ին մամուլի ասուլիսի ժամանակ հայտարարել է ՀԱՊԿ գլխավոր քարտուղար Նիկոլայ Բորդյուժան։
Լրագրողներից մեկի հարցին, թե ինչով է պայմանավորված Ռուսաստանում սովորող ՀՀ ԶՈւ մոտ 200 զինծառայողների (կուրսանտների) թիվը ևս 200-ով ավելացնելու մտադրությունը, Բորդյուժան պատասխանել է.
«Կարող եմ ասել, որ Երևանի համար պատրաստվող կադրերի թվի ավելացումը ոչ այլ ինչ է, քան Հայաստանի բանակի հրամանատարական պաշտոններում զինվորականների նշանակման պահանջների բավարարում: Ըստ այդմ՝ որքան պետք կլինի Հայաստանին, այդքան էլ կպատրաստենք»:
Բորդյուժան նաև ասել է, որ այն զինծառայողները, որոնք սովորում են Ռուսաստանում, սովորում են ՀԱՊԿ պետությունների համար անվճար կամ արտոնություններով զինվորական կադրերի պատրաստման մասին համաձայնությամբ:
Կարդացեք նաև
Մանրամասներին կարող եք ծանոթանալ` «razm.info»-ի կայքում
