Նախորդ տարվա նոյեմբերի 25-ին Նորք-Մարաշում վնասազերծված հանցավոր խմբի գործից «անջատված մասով» հարուցված քրգործով դատաքննությունն այսօր ավարտվեց: Կենտրոն եւ Նորք Մարաշ վարչական շրջանների ընդհանուր իրավասության դատարանը հեռացավ խորհրդակցական սենյակ, վճիռը կհրապարակի վաղը կեսօրին:
Հիշեցնենք, որ դատարանն այսօր ամբաստանյալներին վերջին խոսքը ներկայացնելու համար տրամադրել էր մեկ ժամ: Մեկ ժամից հետո էլ, սակայն, ոչ բոլոր ամբաստանյալները վերջին խոսք ասացին:
Ամբաստանյալներից Չիլինգարյանը վերջին խոսքում դատարանից մեղմ պատիժ խնդրեց, ասաց՝ ընտանիքը ֆինանսական ու այլ առումով ծանր վիճակում է, հայրը նոր է մահացել, մայրը հիվանդ է ու միայնակ, ինքը պետք է խնամի նրան: Դատարանին խնդրեց պատիժը սահմանափակել կալանքի տակ եղած լինելու ժամանակահատվածով:
Անուշավան Ավետիսյանն էլ խնդրեց դատարանին հաշվի առնել, որ թոշակառու է, վատառողջ. «Թողեք գնամ իմ ընտանիքին»:
Կարդացեք նաև
Արփինե ՍԻՄՈՆՅԱՆ
