Երբ մի քանի օր առաջ համացանցում հայտնվեցին անհեթեթ հրապարակումներ այն մասին, թե հայաստանյան հասարակական գործիչներից եւ լրատվամիջոցներից ովքեր են «ամերիկյան գործակալներ», մտածում էի` անդրադառնա՞լ դրանց, թե՞ չանդրադառնալ: Ի վերջո, ընտրեցի երկրորդ տարբերակը` չափից դուրս թույլ եւ ոչ պրոֆեսիոնալ ձեւով էին «թխվել» այդ մատնագրերը: Գործընկերներիցս ոմանք կարծիք հայտնեցին, որ դրանց հետեւում կանգնած է Ռուսաստանի Անվտանգության դաշնային ծառայությունը: Բայց ինձ թվում էր՝ նույնիսկ այդ հիմնարկում դեռեւս մնացել են մասնագետներ, որոնք եթե նման առաջադրանք ստանային, ապա նեղություն կքաշեին ճշտելու որոշ փաստեր եւ այդ բովանդակության մատնագրերը կսարքեին փոքր-ինչ ավելի «խելքին մոտիկ»: Ավելի շուտ, կարծում էի ես, դա սպասելի է հայազգի ռուսաստանցի «գործիչներից», որոնք Կրեմլի մոտակայքում շփվում են Պուտինի 5-րդ օգնականի 6-րդ քարտուղարի մակարդակով եւ որոշել են այդ ձեւով իրենց դրսեւորել որպես «հզոր քարոզիչներ»:
Բայց այն միջադեպը, որը վերջերս տեղի ունեցավ Գլոբալիզացիայի եւ տարածաշրջանային հետազոտությունների կենտրոնի ղեկավար Ստեփան Գրիգորյանի հետ, թույլ է տալիս ենթադրելու, որ «ամերիկյան գործակալների» վերաբերյալ հրապարակումները հրահանգվում են եթե ոչ ԱԴԾ-ի (ФСБ), ապա, համենայնդեպս, պաշտոնական շրջանակների կողմից: Ըստ երեւույթին, ՌԴ-ում մարդիկ կան, որոնք որոշել են լրջորեն զբաղվել «գործակալներով»: Քաղաքագետին թույլ չեն տվել մուտք գործել ՌԴ: Սահմանին նրան տրամադրված ծանուցման մեջ հղում էր կատարվում «Ռուսաստանի Դաշնություն մուտք գործելու կարգի մասին» դաշնային օրենքին: Քանի որ Գրիգորյանի համար չեն մանրամասնել, թե այդ փաստաթղթի կոնկրետ որ կետի տակ է նա ընկնում, ենթադրվում է, որ խնդիրը հետեւյալն է. ըստ այդ 26-րդ հոդվածի 9-րդ կետի` այդ երկիր չի թույլատրվում մուտքը այն օտարերկրյա քաղաքացիների համար, որոնք համագործակցում են Ռուսաստանի տարածքում անցանկալի համարվող միջազգային կազմակերպությունների հետ:
Եվ այսպես՝ օտար պետության (ոչ Ռուսաստանի) քաղաքացին շփվում է կամ համագործակցում է ինչ-որ միջազգային կառույցների, քաղաքագիտական շրջանակների հետ, որոնց դիրքորոշումը Ռուսաստանի իշխանությանը դուր չի գալիս: Կամ` ենթադրենք, ելույթներ է ունենում ԵՏՄ-ի կամ ՀԱՊԿ-ի դեմ: Տրամաբանությունը պահանջում է բացատրել, թե ինչով է այդ քաղաքացին վտանգ ներկայացնում Ռուսաստանի համար: Հակառակ դեպքում դա շատ նման է մեծապետական լկտիության եւ ցուցադրական վրեժխնդրության` պարանոյայի մեծ չափաբաժնով:
Չգիտեմ, գուցե ես էլ, որ երբեմն ռուսաստանյան իշխանությունների համար ոչ հաճո բաներ եմ գրում, հայտնվել եմ ոչ ցանկալի անձանց «սեւ ցուցակում», եւ իմ մուտքը Ռուսաստան նույնպես արգելված է: Դա շատ ցավալի կլինի, որովհետեւ Տոլստոյի, Դոստոեւսկու, Չայկովսկու, Պրոկոֆեւի երկիրը ես սիրում եմ: Անկախ այն հանգամանքից, որ այդ երկրի իշխանությունը, մեղմ ասած, հիմարություններ անելու «դարավոր ավանդույթ» ունի:
ԱՐԱՄ ԱԲՐԱՀԱՄՅԱՆ
== Հակառակ դեպքում դա շատ նման է մեծապետական լկտիության եւ ցուցադրական վրեժխնդրության` պարանոյայի մեծ չափաբաժնով: ==
Ավելի լավ ձևակերպում դժվար է գտնել…
Ստեփան Գրիգորյանին թույլ չեն տվել մուտք գործել ՌԴ: Սահմանին նրան տրամադրված ծանուցման մեջ հղում էր կատարվում 26-րդ հոդվածի 9-րդ կետի` ՌԴ չի թույլատրվում մուտքը այն օտարերկրյա քաղաքացիների համար, որոնք համագործակցում են Ռուսաստանի տարածքում անցանկալի համարվող միջազգային կազմակերպությունների հետ:
Օրինակ՝ Միացյալ Նահանգների Միջազգային Զարգացման Գործակալության (USAID) հետ:
Կամ Ռուսաստանում չեն սիրում գլոբալիստներին, ինչպես Լեւոն Տեր-Պետրոսյանը դաշնակներին:
Տարածաշրջանային հետազոտություններ կատարող գլոբալիստը հիշեցնում է 1912թ. մասոն դաշնակներին:
https://domkaukaski.org/index.php?option=com_content&task=view&id=449&Itemid=38
Ի՞նչ կասի ՀՀ ԱԳՆ:
ես էլ էի ուզում Ձեր կարծիքը հարցնել:
Էս վերջին պրովոկացիաների մասին, որ ուղղված են նախ Արևմուտքի, ապա նաև հենց Ռուսաաստանի հետ մեր դաշնակցայինա հարաբերոյթւոնների դեմ:
Ինչ որ լկկտի ներքին խմորումների գործընթացա ա գնում:
Կուրսի էլ չենք:
Շատ կարևոր ա զգոն լինել:
Իսկ էդ հիմար գրություննրեը անգրագետ ռուսերենով ո, էլ չասած եսիմ որ Սփյուռքի անունից գրված???????????
Չգիտես խի Սփյուռքը հայերին դիմում ա ոչ թե արևմտա կամ արևելա հայերենով ; ալյ ռուսերենով:
Իմ հույսը նախ մեր ժողովրդի սթափությունն ա, որտև երբեք էլ ռուսամոլ ու հակառոըսականություն, արևմտամոլ ու համակարևմտականության չի նկատվում/չհաշված բացառություններ/:
Դա է որ նաև ավելի ակնհայտ դարձնում էս ամենի սարքովի լինելը:
Շնորհակալություն որ անդրադարձաք:
ծիծաղ չեն առաջացնում , ցավոք, այլ մտահոգություն:
Ստյոպիկին հա էլ գիտեմ`յեսիմ երբվանից: Մտածում եմ, յարաբ էս ի՞նչ արեց ռուսախոս Ստյոպիկը, որ ռուսները նեղացան: Կարո՞ղ ա մի ուիշ Ստյոպիկ մի բան ա արել`ռուս հայվան պագռանիշնիկը շառը գցել ա մեր Ստյոպիկի վրա: Կարող ա, գիտես:
Իսկ ԱՄՆ-ն բոլորին ընդունում է, սանկցիաներ չի կիրառում եսիմ ինչի համար, …դրախատա է, հո երկիր չի:
Ով դրամ է շնորհում, նրա դուդուկի տակ էլ պարում են, մարդ չգիտի, էդ լավ լավ բաներ ասող անողը անկեղծ անարատ հայ է, թե ոչ հայի դրամաշնորհին կակա ասող հայկական ազգանունով չգիտեմինչը: Դրա համար, ով դրսից դրամաշնորհ է ստանում՝ անկախ նրա սիրուն նպատակներից պետք է դասվի կասկածյալների շարքին: