Թուրքիայի` Սիրիա ներխուժման համատեքստում հայության համար դրական իրավիճակ է ստեղծվել, մասնավորապես, Թուրքիան ներքաշվելով սիրիական պատերազմի մեջ` ուշադրությունը շեղել է Հարավային Կովկասից: Այս մասին այսօր «Պոստ Սկրիպտում» մամուլի ակումբում ասաց քաղաքագետ Արա Պապյանը:
Նա նշեց, որ արցախաադրբեջանական սահմանին իրավիճակը համեմատաբար խաղաղ է. «Ադրբեջանը չի կարող ակնկալել Թուրքիայի լիարժեք աջակցությունը, դրա համար իրեն ավելի զուսպ է պահում: Ամիս կամ ամիսուկես այս իրավիճակը կշարունակվի, իսկ հետո շատ բան ի հայտ կգա ՌԴ-Արեւմուտք հարաբերությունների շրջանակում: Տարածքների հարցը դրված էր օգոստոսին, պարզապես հասարակության ընդվզումը ցույց տվեց, որ դա մեզ համար ընդունելի չէ: Այնուամենայնիվ, չեմ համարում, որ Արցախի հարցում մութ ամպերն ամբողջությամբ չեզոքացել են, քանի որ Ռուսաստանի հիմնական քաղաքականությունը Հարավային Կովկասում հետեւյալն է` Ադրբեջանն իր ազդեցության տակ պահել, իսկ դրա համար միակ լծակը Արցախի հարցն է»:
Անդրադառնալով Արցախի նախագահ Բակո Սահակյանի` առաջիկայում Արցախի հռչակման 25-րդ տարեդարձի կապակցությամբ համաներում շնորհելու հայտարարությանը, Արա Պապյանը հույս հայտնեց, որ Հայաստանում էլ համաներում կլինի եւ «շատ քաղբանտարկյալներ բաց կթողնվեն»:
Կարդացեք նաև
Լուիզա ՍՈՒՔԻԱՍՅԱՆ
