«Պոստ Սկրիպտում» մամուլի ակումբում այսօր քաղաքագետ Արա Պապյանը մեկնաբանեց ՌԴ Արտգործնախարարության պաշտոնական ներկայացուցիչ Մարիա Զախարովայի հայտարարությունը, թե` «Լավ կլինի, եթե Ռուսաստանը կարողանա Ղարաբաղյան խնդրի կարգավորումն իր ձեռքը վերցնել»:
«Իհարկե, Ռուսաստանի համար լավ կլինի, բայց չեմ կարծում, որ Արցախի համար էլ լավ կլինի: Համանախագահող երկրներից միակը, որը զենք է վաճառում հակամարտող երկրին, դա Ռուսաստանն է: Դա համաշխարհային պատմության մեջ չլսված բան է»,-ասաց Արա Պապյանը: Նրա դիտարկմամբ` Ադրբեջանի ազդեցությունը ՌԴ-ի վրա գնալով մեծանում է` հատկապես Պուտին-Ալիեւ-Ռոհանի հանդիպումից հետո:
«Արցախյան խնդրում որքան շատ խաղացողներ լինեն եւ ունենան հակասություններ, այնքան այդ հակասությունների վրա մենք կարող ենք հավասարակշռություն պահել: Երբ մի երկիր է վերցնում իր ձեռքը, իր շահերն է թելադրում»,-եզրափակեց քաղաքագետը:
Հիշեցնենք` ավելի վաղ Զախարովան ասել էր, որ ՌԴ-ն ԼՂՀ հարցի լուծումը չի մոնոպոլիզացնում:
Կարդացեք նաև
Լուիզա ՍՈՒՔԻԱՍՅԱՆ
