Հանրապետական պատգամավոր Շիրակ Թորոսյանը հայտարարել է, թե Հայաստանում չի գտնվի մեկը, ով հող կհանձնի, բացի նրանցից, ովքեր խոսում են այդ մասին։
«ՉԻ» – Տեսնես ո՞ր կուսակցության ղեկավարն էր հայտարարում, թե Աղդամը մեր հայրենիքը չէ, տեսնես ո՞ր կուսակցության փոխնախագահն էր հայտարարում, թե ինչու չէ՝ ԼՂՀ կարգավիճակի դիմաց կարելի է նաեւ տարածքային զիջումներ անել եւ այլն։ Եվ վերջապես՝ տեսնես ո՞ր իշխանություններն են բանակցում մադրիդյան սկզբունքների շրջանակներում։ Այն սկզբունքների, որոնցից մեկն էլ ազատագրված տարածքների վերադարձն է։
Եվ այնուամենայնիվ մի հարցում Շիրակ Թորոսյանն իրավացի է՝ Հայաստանում իսկապես հատուկենտ մարդիկ կգտնվեն, ովքեր պատրաստ են տարածքներ հանձնել։ Բայց թարսի պես՝ հենց այդ հատուկենտ մարդիկ են իշխում երկրում ու բանակցություններ վարում Հայաստանի անունից:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
