Աֆրիկացի աղջնակ փոքրիկ Ուման ամուսնանում է, եւ նա ընդամենը 14 տարեկան է, ինչ վերաբերում է փեսացուին՝ Համիդին, նա էլ 33 տարեկան է, արդեն ունի կին եւ երեք երեխա: Մանկական ամուսնությունների թվով Նիգերը ռեկորդակիր է աֆրիկյան մյուս պետությունների մեջ, քանի որ այստեղ յուրաքանչյուր 4 աղջիկներից 3-ը ամուսնանում է մինչեւ 18 տարին լրանալը: Այս երկրում բարձր է ծնելիության ցուցանիշը, յուրաքանչյուր կին առնվազն 7 երեխա է ունենում, կանանց կյանքի միջին տեւողությունն էլ 53 տարին է: Այստեղ ամեն տղամարդ ամենաքիչը մեկ կին ունի, մանկահասակ աղջիկների ծնողները իրենց փոքր երեխաներին ամուսնացնում են՝ նրանց դիմաց ստանալով մեծ գլխագին, դա ընտանիքի հոգսերը հոգալու լավագույն միջոցն է նրանց համար: Այդպիսի ճակատագիր է բաժին հասել նաեւ փոքրիկ Ումային:
Լուսանկարը՝ kulturologia.ru-ի:
«Առավոտ»
31.08.2016
