«Կարելի էր կանխատեսել»,- օգոստոսի 31-ին «Տեսակետ» մամուլի ակումբում լրագրողների հետ հանդիպման ընթացքում, անդրադառնալով ոստիկանության ՊՊԾ գնդի գրավմանը, ասաց քաղաքագետ Ալեքսանդր Իսկանդարյանը:
Նրա խոսքերով՝ կատարվածի գլխավոր պատճառներն են Գագիկ Ծառուկյանի քաղաքականությունից դուրս գալը, Շանթ Հարությունյանի հետ կատարածը,այնուհետեւ Նորք-Մարաշի խումբը, որը գործողությունների էր պատրաստվում. «Կա հասարակության մեծ հատված, ամեն դեպքում, Երեւանի սոցիալական կենտրոնում, որը նվազագույնը չի բացառում այդ տիպի գործողությունները: Բարդ խնդիրների հեշտ լուծումը՝ փոքր երկիր, որը շրջապատված է ոչ այդքան բարեկամական երկրներով, որը չունի ելք դեպի ծով՝ փոքր շուկայով, հետսովետական, փոքր ներդրումներով, կոռուպցիոն ռիսկերով, որ այս խնդիրները կարելի է լուծել սպանելով մի մարդու կամ մեկուսացնելով տաս մարդու: Այս պատկերացումը բավականին հայտնի է դառնում»:
Ալեքսանդր Իսկանդարյանի կարծիքով՝ ՊՊԾ գնդի գրավումը փոխել է քաղաքական պատկերը. «Չեմ պատկերացնում, թե իշխանությունը ինչ է պատրաստվում անել ընտրություններին: Ենթադրենք նրանք կհասնեն ընտրություններին, չնայած դա չափազանց դժվար է, յուրաքանչյուր փոքր միջոցառումը կարող է ծանր հետեւանքներ առաջացնել: Ենթադրենք՝ հասան՝ ի՞նչ փողեր պետք է ծախսեն, որպեսզի այդ ընտրություններում հաղթեն: Այն, ինչ մի քանի ամիս առաջ իրենց թվում էր հեշտ՝ բոլոր ընտրությունները հաղթում են, ենթադրենք՝ դա էլ եղավ՝ հաղթեցին հավաքելով ձայների 54 տոկոսը, ի՞նչ է լինելու հաջորդ շաբաթ: Ենթադրենք՝ դա էլ եղավ, հնարավո՞ր է պատկերացնել, որ իշխանությունը այս տեսքով պատրաստ է կառավարել հինգ տարի: Ինձ համար չափազանց դժվար է: Բավականին շատ անալոգներ կան, բայց ես ամենամոտը համարում եմ Շեւարդնաձեին 2001-ից հետո՝ մի տարբերությամբ՝ ընդդիմություն նույնպես չկա»:
Ամի ՉԻՉԱԿՅԱՆ
հարգելի քաղաքագետ,
թերեւս օգտակար կը լինի երբեմն հետեւիլ լուրերին
վերջերս հայտնվեցաւ թէ, խորհրդարանական ընտրութիւնների ճամբով, կազմելու են «Ազգային Միութեան Կառավարութիւն», բաղկացած գոնէ 4 հիմնական կուսակցութիւններէ (ՀՀԿ + ՀԱԿ + ՀՅԴ + Օրինացչգիտեմինչը նոր անունին տակ) : Սոյն – քաղաքականօրէն – միասնական կառավարութեան աջակցելու են նաեւ այլ ու այլազան, նուազ հանրածանօթ – սակայն ըստ էութեան ոչ աննշան – քաղաքական խմբաւորումներ:
այդ բազմակուսակցական կառավարութիւնը անվիճելիօրէն իրաւացի է լինելու, թէ Օրէնքի եւ թէ Ժողովրդավարութեան սկզբունքների հիման վրայ