Վերաքննիչ քրեական դատարանը օգոստոսի 28-ին քննում էր Հիմնադիր խորհրդարանի առաջնորդ Ժիրայր Սեֆիլյանի խափանման միջոցի վերաբերյալ վերաքննիչ բողոքը: Հիշեցնենք, որ Սեֆիլյանի նկատմամբ որպես խափանման միջոց նշանակվել էր 2-ամսյա կալանքը:
Սեֆիլյանի պաշտպան Արա Զաքարյանը դատական նիստից հետո լրագրողներին հայտնեց, որ դատարանը մերժել է բողոքը. «Փաստարկները կայանում էին նրանում, որ ներկայացված նյութերում չի հիմնավորվում, որ Ժիրայր Սեֆիլյանը առնչություն ունի իրեն մեղսագրված հանցագործությանը, չի ներկայացրել թույլատրելի նյութեր, որոնցով կարող է երեւալ, թե Ժիրայր Սեֆիլյանը ազատության մեջ գտնվելու դեպքում կարող է խոչընդոտել քննությանը, ինչպես քննիչներն են նշել: Չի երեւում քննիչի կողմից ջանասիրաբար քննելու հանգամանքը, եւ դատարանը ընդհանրապես չի պատճառաբանել, թե ինչու է գրավը մերժում»:
Ժիրայր Սեֆիլյանը չէր մասնակցել դատական նիստին: Արա Զաքարյանի խոսքերով՝ իր պաշտպանյալը համարում է, որ այդ ամենը բեմականացում է եւ որեւէ ցանկություն չունի մասնակցել այդ բեմականացմանը: Փաստաբանն ասաց, որ պատրաստվում է բողոքարկել Վերաքննիչ քրեական դատարանի այս որոշումը:
Կարդացեք նաև
Ամի ՉԻՉԱԿՅԱՆ
