«Rammstein» ռոք խումբը սկսել է նոր սկավառակի ձայնագրման աշխատանքները: Այս տեղեկությունը, ըստ Rock-vector.com կայքի, փոխանցել է խմբի ստեղնահար Քրիստիան Լորենցը:
«Առաջին հերթին մենք կցանկանայինք ամբողջ աշխարհին ցույց տալ, որ մենք դեռ միասին ենք եւ աշխատում ենք նոր երաժշտության վրա: Մենք արդեն սկսել ենք հավաքել նոր երգերի գաղափարներ եւ զարգացնել դրանք: Դժվար է ասել, թե ինչքան կտեւի նոր սկավառակի ձայնագրման գործընթացը, քանի որ լինում են օրեր, երբ ամեն ինչ հարթ է լինում, բայց լինում են նաեւ շատ վատ օրեր, երբ ցանկություն է լինում ամեն ինչ նորից սկսել: Այդ պատճառով կապրենք, կտեսնենք, բայց նոր սկավառակը վստահաբար կլինի»,- մասնավորապես ասել է Լորենցը:
