Ախորժելի եւ համեղ այս աղցանի համար անունը ընտրել եմ՝ բոլորովին նկատի չունենալով Ստենդալի հայտնի վեպը, այլ միայն՝ բաղադրիչները՝ կարմիր լոլիկ, կարմիր սոխ, կարմիր ռեհան, կարմիր գինու քացախ (կամ սեւ բալզամիկ քացախ), սեւ պղպեղ, սեւ ձիթապտուղ, … Միայն աղն է սպիտակ:
Անհրաժեշտ մթերքները
Լոլիկ (ցանկալի է չերրի տեսակի, բայց պարտադիր չէ)- 1 կգ
Կարմիր գլուխ սոխ- 1 հատ
Կարդացեք նաև
Կարմիր ռեհան- 4-5 ճյուղ
Չորացրած կարմիր ռեհան- 1 թեյի գդալ՝ մանրած վիճակում
Սեւ ձիթապտուղ- 10-15 հատիկ
Սեւ պղպեղ- 0,5 թեյի գդալ
Աղ- ըստ ճաշակի
Ձիթապտղի յուղ- 2-3 ճաշի գդալ
Կարմիր գինու կամ բալզամիկ քացախ-1 ճաշի գդալ
Պատրաստման եղանակը
Լվանալ լոլիկը, մաքրել եւ լվանալ սոխը: Կտրատել բանջարեղենը՝ կիսալուսնաձեւ, ձիթապտղի կորիզները հանել, ավելացնել բանջարեղենին: Ռեհանը լվանալ, չորացնել, տերեւները պոկել, մանրերը աղցանին ավելացնել ամբողջությամբ՝ խոշորները՝ կիսած: Համեմել ձիթայուղով, քացախով, չորացրած ռեհանով, աղով եւ սեւ պղպեղով: Թողնել առնվազն կես ժամ եւ մատուցել:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
