Aravot.am-ը իրավապաշտպան Ժաննա Ալեքսանյանից հետաքրքրվեց, թե թե արդյոք «Սասնա ծռերի» վրա կարո՞ղ են տարածվել քաղբանտարկյալների սահմանումները:
«Քրեական օրենսգիրքն իրենց արարքի համար նախատեսել է եւ քրեական գործ են հարուցել: Քաղբանտարկյալ տերմինը ընդհանրապես չի համապատասխանում՝ իմ կարծիքով: Նախաքննություն է ընթանում եւ պետք է պարզել՝ այնտեղ մարդ է զոհվել, նրանք գրավել են այդ գունդը, կարծում եմ՝ շատ հասկանալի է, որ Քրեական օրենսգիրքը սահմանել է այդ դեպքերում:
Կարող է վիճելի լինել որակումը, օրինակ՝ արդյոք ճիշտ են որակել՝ գիտեմ, որ վեճեր կան, որ նրանք զենքերը վայր դնելուց հետո ազատ արձակեին, եւ դրա մասին խոսել է գլխավոր դատախազը, կար ԱԱԾ-ի հայտարարություններում, դրանից ավել որեւէ բան չեմ կարող ասել եւ կարծում եմ՝ անտեղի է ընդհանրապես այդ հարցը բարձրացնել, քանի դեռ ոչինչ պարզված չէ»,- պատասխանեց Ժաննա Ալեքսանյանը:
Ամի ՉԻՉԱԿՅԱՆ
«վեճեր կան, որ նրանք զենքերը վայր դնելուց հետո ազատ արձակեին»
իսկապէս կարծում էք որ կարելի է լուրջի՞ առնել այսպիսի «վէճեր»…
Հայաստանի ատակ իրավաբանները պէտք է որ քաջությունը ունենան կարգ մը տարրական բաներ բացատրելու հանրութեան
միայն լսվում ենք պաշտպան փաստաբանների – անվայել եւ դատարկ – հայտարարութիւնները, որոնց 90 տոկոսը կապ չունի Օրէնքի եւ օրինական սկզբունքների հետ. այդ աստիճանին՝ այլեւս իրավաբանը իրավաբան չի, այլ քաղաքական ակտիվիստ