Վերաքննիչ դատարանն այսօր քննեց «Սասնա ծռեր» խմբի անդամներին հաց տանող Արթուր Սարգսյանի կալանքի վերացման վերաբերյալ վերաքննիչ բողոքը, որոշումը կհրապարակի վաղը: Այս մասին քիչ առաջ լրագրողներին ասաց փաստաբան Տիգրան Եգորյանը:
Ըստ նրա, Արթուր Սարգսյանն այսօր հայտարարություն արեց ու պարզաբանեց իր մեղադրանքի վերաբերյալ. «Դատավորն ընթերցում էր մեղադրանքները, փորձում էր հասկանալ ամսի 2-ի եւ ամսի 4-ի մեղադրանքների տարբերությունն ու հասկացավ: Քննիչն ասաց, որ սանկցիաները նույնն են, Արթուր Սարգսյանը պարզաբանեց տարբերությունը, հուսանք բոլորը հասկացան: Տարբերությունն այն էր, որ ամսի չորսի մեղադրանքի որոշմամբ վարույթ իրականացնող մարմինն արձանագրել էր, որ այն ամենն, ինչ գրված էր ամսի երկուսի մեղադրանքի որոշման մեջ, ճիշտ չէ: Արթուր Սարգսյանը ոչ հանցագործ խմբին անդամակցել է, ոչ նախնական համաձայնություն է ունեցել, ոչ էլ մասնակցել է գնդի գրավմանը»:
Արփինե ՍԻՄՈՆՅԱՆ
Մանրամասները` տեսանյութում
