Ինչպես արդեն հաղորդել ենք՝ Գյումրիի ՌԴ 102-րդ ռազմաբազայի N զորամասում Շիրակի մարզի ընդհանուր իրավասության դատարանը Ավետիսյանների ընտանիքի սպանության համար Վալերի Պերմյակովին դատապարտեց ցմահ ազատազրկման՝ ապացուցված համարելով մեղադրանքը, և համադրելով Քրեական օրենսգրքի 104 հոդվածի 2-րդ մասի 1-ին, 5-րդ և 8-րդ կետերով (երկու կամ ավելի անձանց սպանությունը` առանձին դաժանությամբ, շահադիտական դրդումներով, պատվերով, ինչպես նաեւ զուգորդված՝ շորթմամբ, ավազակությամբ կամ բանդիտիզմով), 175 հոդվածի 2-րդ մասի 3-րդ, 4-րդ կետերով (ավազակային հարձակում, որը կատարվել է բնակարան, պահեստարան կամ շինություն ապօրինի մուտք գործելով, զենքի կամ որպես զենք օգտագործվող այլ առարկաների գործադրմամբ) և 34-329 հոդվածի առաջին մասով (պետական սահմանի ապօրինի հատման փորձ) նախատեսված պատժաչափերը:
Ցմահ պատժի մեջ համադրվում է նաև ռուսական կողմի գործով 10 տարվա ազատազրկման պատիժը:
Կարդացեք նաև
Վալերի Պերմյակովի շահերի պաշտպան Էդուարդ Աղաջանյանը լրագրողների հետ զրույցում մեկնաբանեց այն հարցը, թե որտեղ է պատիժը կրելու իր պաշտպանյալը: Ըստ նրա՝ այդ հարցը բաց է մնացել նաև իրենց համար:
Փաստաբանի մեկնաբանությունն ամբողջությամբ՝ ձայնագրության մեջ:
