«Սասնա Ծռեր» խմբի անդամ «Դատապարտյալների հիվանդանոց» ՔԿՀ-ում գտնվող Հովհաննես Հարությունյանի փաստաբան Արա Ղարագյոզյանի կողմից ՀՀ արդարադատության նախարարություն մինչ օրս որևէ բողոք չի ներկայացվել: Այդ մասին Aravot.am-ի հարցին ի պատասխան, ասացին ՀՀ արդարադատության նախարարության հասարակայնության հետ կապերի վարչությունից:
Հիշեցնենք, «Սասնա ծռեր» խմբի անդամ Հովհաննես Հարությունյանի պաշտպան Արա Ղարագյոզյանն օրերս ասել էր, որ իր պաշտպանյալը վիրահատության կարիք ունի, որը չի իրականացվում:
«ՀՀ արդարադատության նախարարություն դիմում է ներկայացրել փաստաբան Հայարփի Սարգսյանը, որին օրենքով սահմանված ժամկետում տրվել է պատասխան: Միաժամանակ հայտնում ենք, որ կալանավորված անձ Հովհաննես Հարությունյանը ապահովված է մշտական խնամքով, շուրջօրյա բժշկական հսկողությամբ, ստանում է համապատասխան բուժում: Հովհաննես Հարությունյանի պլանավորված վիրահատությունը նախատեսվում է իրականացնել վերքերի լիարժեք ապաքինումից հետո»,- պատասխանեցին ՀՀ արդարադատության նախարարությունից:
Կարդացեք նաև
Նելլի ԳՐԻԳՈՐՅԱՆ
