Այսօր ՀՀ վերաքննիչ դատարանը մերժել է «Սասնա ծռեր» խմբի եւս երկու անդամների խափանման միջոցը փոխելու մասին բողոքները: Խոսքը Տիգրան Մանուկյանի եւ Հովհաննես Վարդանյանի մասին է: Հովհաննես Վարդանյանի բողոքը քննվել էր դեռ ուրբաթ օրը: Այսօր հրապարակվեց որոշումը:
Տիգրան Մանուկյանի փաստաբան Լուսինե Մարտիրոսյանը լրագրողների հետ զրույցում ասաց, որ պատրաստվում է բողոքարկել Վերաքննիչի որոշումը:
Իսկ «Սասնա ծռերի» անդամ Գեւորգ Իրիցյանի գործով նիստը հետաձգվեց. դատախազը չէր եկել, քննիչին էլ չէին ծանուցել: Նիստը կկայանա ամսի 24-ին: Գեւորգ Իրիցյանը ՊՊԾ գնդի տարածքում վիրավորում ստացած անձանցից մեկն է:
Նելլի ԳՐԻԳՈՐՅԱՆ
