Գյումրիի լրագրողների «Ասպարեզ» ակումբի նախագահ Լեւոն Բարսեղյանը Ազատության հրապարակում իր ելույթի ընթացքում խնդրեց ուշադրություն դարձնել թվերին՝ «Ժառանգություն» կուսակցության փոխնախագահ Արմեն Մարտիրոսյանին 1 միլիոն գրավի դիմաց են բաց թողել, իսկ Երեւանի ավագանու անդամ Դավիթ Սանասարյանին՝ 1,5 միլիոն դրամ գրավի դիմաց: Նրա կանխատեսմամբ՝ հավանաբար, Հովսեփ Խուրշուդյանին ազատ կարձակեն 2 միլիոն դրամի դիմաց:
«Մարդն իր քաղաքական համոզմունքների, իր մոտեցումների, իր մտածած լուծումների համար չպիտի դատվի: Չպիտի քրեական հանցագործություն դիտարկվի՝ մարդու քաղաքական կամքի ինչ-ինչ դրսեւորումները: Սրանք անում են, կոչենք իրենց խղճի բանտարկյալներ: Բանտերում նրանց թիվը, դժբախտաբար, ավելացավ: Սա ռեժիմի դեմքն է ուղղակի, իրենք ցույց են տալիս, թե իրենք ուժեղ են, սրանով ուզում են ահաբեկել, սակայն հանրության մեջ եղող մարդիկ, հանրությունից չկտրվող մարդիկ, «Ֆեյսբուքը» լավ իմացող մարդիկ տեսնում են՝ վախեցող չկա: Ուսումնասիրում ենք, նայում ենք, հասկանում ենք, որ մարդիկ համակրում են ապստամբությունը»,- ասաց նա:
Լեւոն Բարսեղյանը «Սասնա ծռեր» խմբավորման արարքը նմանեցնում է ազնվական ապստամբության. «Դեմքերը բաց էր, պատանդ չէին պահում, որեւէ իշխանություն չէին ուզում, օդանավ ու փողեր չէին ուզում: Սա իսկապես ազնվական ապստամբություն էր՝ իր լավ ու վատ կողմերով: Եթե այս իշխանությունը գիտակցության չի գալիս, չի հասկանում, թե ինչ մարտահրավերների առաջ է կանգնած երկիրը եւ հասարակությունը, կամ ավելի վատ՝ եթե դիտավորություն ունի սրել այդ խնդիրները՝ էգուց մյուս օրը ազնվական ապստամբություն չի լինելու: Բոլորն էլ հասկանում են՝ ինչ է լինելու, նկարագրելու կարիք չկա»:
Կարդացեք նաև
Ամի ՉԻՉԱԿՅԱՆ
Այո, նրանք ազնվականորեն սպանեցին ոստիկանության աշխատակիցների։
Եթե ժողովուրդը չի համակրում իշխանությանը, էլ չեմ ասում ՝ատում է, ապա
նման իշխանությունը պիտի զիջի: Ամոթ չէ, որովհետև զիջում է ընդամենը իր ժողովրդին, որը
իրական իշխանության կրողն է: Այլապես բախումն անխուսափելի է, որը կհանգեցնի
երկրի թուլացմանը: Պարզից էլ պարզ է, որ թե գործող, թե եկող իշխանության գերագույն
նպատակը երկրի զարգացումն ու հզորացումն է: