Վերաքննիչ դատարանն այսօր մերժեց նաեւ «Սասնա ծռերի» անդամ Սմբատ Բարսեղյանի խափանման միջոց կալանավորումը չեղարկելու և այն գրավով փոխելու բողոքը։
Սմբատ Բարսեղյանի պաշտպան՝ փաստաբան Ռուզաննա Սիրեկանյանը, դատարանի որոշումը համարում է անհիմն.
«Ստանդարտ ձեւակերպումները նույնն են, հիմնավորումներ չկային, քրեական դատավարության օրենսգրքի 135 հոդվածի թվարկված հավանական գործողությունները՝ կխուսափի, կխոչընդոտի, այլ անօրինական ազդեցություններ կգործադրի այլ անձանց վրա, նույն ստանդարտ ձեւակերպումներն էին նշված, որեւէ ձեւով, տեղեկությունով կամ փաստով չհիմնավորվեց: Որոշումը կստանանք, կտեսնենք՝ ինչ է դրված հիմքում, բայց ամեն դեպքում, որոշումը օրինական հիմնավորված չէ, ինչի համար վճռաբեկ բողոք կբերենք»:
Սմբատ Բարսեղյանը չի ցանկացել ներկա գտնվել դատական նիստին, մեր հարցին՝ ինչու, փաստաբանը պատասխանեց՝ պարզապես չի ցանկացել:
Արփինե ՍԻՄՈՆՅԱՆ
