«Վերջապես ինչ-որ մեկը պիտի՞ պատասխան տա»,- այսօր կառավարության նիստում վարչապետ Հովիկ Աբրահամյանն այսպես արձագանքեց արդարադատության նախարար Արփինե Հովհաննիսյանի ելույթին:
Արփինե Հովհաննիսյանն ասաց, որ արդարադատության նախարարությանը պետք գումար հատկացվի Մարդու իրավունքների եվրոպական դատարանի՝ ՄԻԵԴ-ի վճիռն ի կատար ածելու համար: Վարչապետը հետաքրքրվեց, թե այս տարի ՄԻԵԴ-ի վճիռների համար ընդհանուր առմամբ որքա՞ն գումար է հատկացվել:
«Սիմոնյանն ընդդեմ Հայաստանի» գործով ՄԻԵԴ-ը որոշել է Սիմոնյաններին վճարել 18 հազար 255 եվրո գումար: Ըստ նախագծի գումարը պետք է վճարվի բյուջեի պահուստային ֆոնդից:
Ի դեպ, այդ գումարները, սովորաբար տրամադրվում են «Կառավարման մարմինների գործունեության հետեւանքով առաջացած վնասվածքների կամ վնասների վերականգնում» հոդվածով:
Կարդացեք նաև
Վարչապետը Արփինե Հովհաննիսյանին հանձնարարեց արդարադատության նախարարությունում հարցը քննարկման առարկա դարձնել:
Լուսինե ԲՈՒԴԱՂՅԱՆ
