Վերաքննիչ դատարանն այսօր հետաձգեց «Նոր Հայաստան» շարժման անդամ Անդրիաս Ղուկասյանի կալանքի վերաբերյալ բողոքի քննությունը՝ փաստաբան Լուսինե Սահակյանի միջնորդությամբ:
«Միջնորդեցինք որ հետաձգվի, որ մեր պաշտպանյալը ներկա գտնվի դատական նիստին, նա ցանկություն է հայտնել մասնակցել… դատարանը ժամանակ տրամադրեց մեր պաշտպանյալի միջնորդությունը ներկայացնել գրավոր »,- լրագրողներին ասաց Լուսինե Սահակյանը:
Նրա խոսքով, իր պաշտպանյալը չի ընդունում մեղքը, գտնում է՝ քաղբանտարկյալ է. «Հրաժարվում է նաեւ ցուցմունքներ տալ՝ նկատի ունենալով, որ ապօրինի հետապնդումների է ենթարկվում, հացադուլ է սկսել ու շարունակում է, դեռ չի դադարեցրել, այսօր կայցելենք ու հերթական կոչերը կներկայացնենք նրան, որովհետեւ այս օրերին բազմաթիվ անձինք խնդրում են, որ նա դադարեցնի հացադուլը, բայց նա շատ մարտական է տրամադրված ու գտնում է ՝ մինչեւ վերջ պետք է շարունակի»:
Արփինե ՍԻՄՈՆՅԱՆ
