ԱԺ ՀՀԿ-ական պատգամավոր Խոսրով Հարությունյանը «Սասնա ծռերի» նախաձեռնած քայլը համարում է ահաբեկչություն, իսկ հրապարակներում ի աջակցություն «Սասնա ծռեր» հավաքվածների գործողությունները համարում է ահաբեկչությունը քողարկելու փորձ:
«Նրանք զինված գործողությունների ճանապարհով իրենց գործընկերոջ Սեֆիլյանին ազատելու մտադրություն ունեին: Ռազմական ակցիա կատարել, որով պարտադրեն իշխանություններին ազատ արձակել իրենց ընկերոջը: Հետագայում գիտակցելով, որ դա կարող է որակվել որպես ահաբեկչություն, մեջտեղ բերեցին քաղաքական պահանջներ՝ նախագահի հրաժարական եւ այլն, այդ ամենը փորձեցին դրսում արտաքին քաղաքական ուժերի աջակցությամբ վերածել քաղաքական շարժման: Այն կարծիքին եմ, որ ի սկզբանե դա եղել է ահաբեկչություն:
Հետագայում բոլոր գործողությունները, որոնք կատարվում էին դրսում՝ հրապարակներում, այդ ահաբեկչությանը քաղաքական երանգ վերագրելու նպատակ էին հետապնդում: Այդ ընթացքում տեղի ունեցան պրովոկացիաներ Խորենացի փողոցում, Սարի թաղում: Երբ ոստիկաններն ուղղակի պահանջ էին ներկայացնում ցուցարարներին ու երթի կազմակերպիչներին՝ գտնվում եք անվտանգության այնպիսի գոտում, որտեղ ձեր անվտանգությունը վտանգված է, պահանջում էին տեղափոխվել Խորենացի փողոց, նույն Արմեն Մարտիրոսյանին փոխոստիկանապետն էր ասում, որ ստանձնում եք ամբողջ պատասխանատվությունը հետագա բոլոր զարգացումների, նրանք ասում էին՝ ոչ այստեղից պետք է իջնենք ուղիղ ներքեւ եւ հետո սկսվեցին բախումներ ոստիկանների ու ցուցարարների միջեւ»,- ասաց պատգամավորը: Նա ճիշտ չի համարում քաղաքական հետապնդում որակումը այն մարդկանց վերաբերյալ, որոնք այդ օրերին երթերի կազմակերպիչներն էին. «Հիմա այս բոլորին վերագրել, թե մենք քաղաքական ակցիա ենք անում, այդ կարծիքին չեմ, ես համոզված եմ, որ ցանկացած երթերի, շքերթների կազմակերպիչները ստանձնում են երթի արդյունքների պատասխանատվությունը, ընդորում, ոչ միայն քաղաքական, այլեւ եթե քրեորեն հետապնդելի արարքներ են եղել նաեւ օրենքի առջեւ պատասխանատվություն»,- Aravot.am-ին ասաց պատգամավորը:
Ըստ նրա, այն որ զանգվածային անկարգություններ կազմակերպելու մեղադրանքով կալանավորված Արմեն Մարտիրոսյանի խափանման միջոցը փոփոխվել է, նրան ազատ են արձակել, իսկ նույն մեղադրանքով մյուս անձանց՝ ոչ, ըստ պատգամավորի խոսում է ոչ թե քաղաքական որոշման, այլ դատարանի նպատակահարմարության մասին. «Դատարանը կարող է հաշվի առնել, թե կոնկրետ դեպքում ում մասին է խոսքը գնում, Արմեն Մարտիրոսյանը «Ժառանգություն» կուսակցության փոխնախագահ է, հանրությանը հայտնի դեմք, ու նրան կարող էին գրավի դիմաց ազատ արձակել՝ հաշվի առնելով նաեւ նրա կուսակցական պատկանելությունը, որ չի խոչընդոտի այլ ճանապարհներով իրավապահների գործունեությունը: Ես քաղաքական հետապնդում չեմ տեսնում»:
Կարդացեք նաև
Մեր հարցին, ճի՞շտ եք համարում երթերին մասնակցելու համար մեղադրանքներ առաջադրելը, պարոն Հարությունյանը պատասխանեց. «Դրսում բոլոր նրանք, որոնք փորձել են այդ գործընթացին քաղաքական երանգ տալ, դրանով իսկ փորձել են քողարկել, թաքցնել ահաբեկչությունը:
Նրանք ոչ թե օրենքի առջեւ պետք է պատասխան տան, որ ցույցեր են կազմակերպել, այլ գտնում եմ, որ ճիշտ չէին անում, որ փորձում էին ռազմական ակցիային քաղաքական բովանդակություն հաղորդել, բայց դա, իմ կարծիքով, քրեորեն հետապնդելի արարք չէ: Նրանց դատապարտում են ոչ թե նրա համար, որ փորձել են ցույցեր կազմակերպել, այլ դատապարտում են ոստիկանության հետ բախումներ հրահրելու համար, որը հակասության մեջ է մտնում օրենքի հետ»:
Արփինե ՍԻՄՈՆՅԱՆ
Օրինապէս հիմնավորված չէ այս կարծիքի հիմնական բաժինը:
Արարքէն ետք, հանցագործութիւն մը տեսականօրէն, վերացականօրէն եւ խօսքերով՝ արդարացնելը, ինքնին ոճիր չէ: Եթէ չկա ուղղակի մասնակցություն արարքին, կամ ել գոնէ սկզբնական հրահռում:
Բարոյական գետնի վրայ, ուրիշ հարց է:
Նման անձեր լաւ կ`ընեն կարելիին չափ քիչ արտայայտուին հասարակութեան-
նոյնիսկ իրենք չգիտեն թէ ինչու և ինչպէս քաղաքականութեան մէջ մտած են,
թերեւս եթէ տուն մնացած ըլլային կարենային ընտանիքի լաւ պապուկ ըլլալ `
խօսարան նստելու համար տղամարդ ըսուածը պէտք է հաստատուն անձնականութիւն ունենայ;
Բայց նկատի առած մեր խօսարանի ընդհանուր վիճակը … հոգ չէ-անցցէ ;
Mr. Harutyunyan, shame on you. Sasna Tsrer are the best Armenians ever.