«Հայ ժողովրդի շահը միակն է՝ ոչ մի թիզ հող, ես, օրինակ, կողմ եմ՝ արյան վերջին կաթիլով, ատամի վերջին կրճտոցով, մենք ոչ մեկին չպիտի թույլ տանք, որ մի խոսք անգամ հողի մասին լինի»,- օգոստոսի 17-ին «Հայելի» մամուլի ակումբում լրագրողների հետ հանդիպման ընթացքում ասաց քաղաքագետ Լեւոն Շիրինյանը:
Նա նշեց, որ պարտության դեպքում հայ ժողովուրդը անէանալու է. «Վերջացած է, մեր հարցը փակված է ընդմիշտ: Կլինենք երեւի հայ ժողովուրդ սփյուռքում, բայց այստեղ չենք լինի: Իմ կարծիքով՝ մեզ համար այս խոսակցությունները վերածվում են կենաց ու մահվան խնդրի, եւ սա թո՛ղ սարսափելի չթվա: Մենք, երբ որդեգրում ենք այդ տեսակետը, մենք միշտ հաղթում ենք»:
Լեւոն Շիրինյանի կարծիքով՝ հնարավոր է, որ այդ հոգեվիճակի արտացոլումն էր հուլիսի 17-ին «Սասնա ծռեր» խմբավորման՝ ոստիկանության ՊՊԾ գնդի գրավումը: Քաղաքագետը համարում է, որ եթե ճգնաժամային իրավիճակ առաջանա, ապա դեռ մի ինստիտուտ կա. հնարավոր է՝ նոր հրաժարականներ լինեն, ինչպես 1998 թվականին եղավ նախագահ Լեւոն Տեր-Պետրոսյանի հրաժարականը. «Բայց այստեղ մի հանգամանք կա՝ ժողովուրդը, վերլուծող հանրությունը պետք է առաջին ճակատում լինի եւ անզիջում կեցվածք ունենա: Պուտինը կգնահատի, որովհետեւ Պուտինի մասին շատ էին խոսում»:
Ամի ՉԻՉԱԿՅԱՆ
Ոտքի կանգնիր, հայ ժողովուրդ
Ոտքի կանգնիր, հայ ժողովուրդ
Ոտքի կանգնիր, հայ ժողովուրդ
https://www.youtube.com/watch?v=s3-xjIq6FHE