Ի պատասխան Վահան Շիրխանյանի փաստաբանի կողմից վերջինիս առողջական վիճակի վերաբերյալ այսօր լրատվամիջոցներում հնչեցրած մտահոգության` ՀՀ ԱՆ քրեակատարողական վարչությունը հարկ է համարում տեղեկացնել, որ «Երևան – Կենտրոն» քրեակատարողական հիմնարկի կալանավորված անձ Վահան Շիրխանյանը պարբերաբար հետազոտվել և մասնագիտական խորհրդատվություններ է ստացել ինչպես ՔԿՀ-ում, այնպես էլ քաղաքացիական հիվանդանոցներում:
Մասնավորապես, ի թիվս այլ հետազոտությունների, ՀՀ առողջապահության նախարարության կողմից տրված պետական պատվերի ուղեգրերով ս/թ օգոստոսի 3-ին և 4-ին քաղաքացիական հիվանդանոցում ենթարկվել է համապատասխանաբար գլխուղեղի մագնիսա-ռեզոնանսային և ուղեղի անոթների արյան շրջանառության դոպլեր հետազոտությունների, ապա օգոստոսի 9-ին ստացել է բժիշկ-նյարդաբանի խորհրդատվություն, որի արդյունքում նշանակվել է համապատասխան դեղորայքային բուժում, ինչը և Վ. Շիրխանյանը շարունակում է ստանալ:
Օգոստոսի 11-ին Վ. Շիրխանյանը կրկնակի զննության է ենթարկվել իր կողմից հրավիրված բժիշկ-նյարդաբանի կողմից:
Ներկայումս կալանավորված անձ Վ. Շիրխանյանը շարունակում է ստանալ նյարդաբանի կողմից նշանակված բուժումը և գտնվում է քրեակատարողական հիմնարկի բուժանձնակազմի դինամիկ հսկողության ներքո:
Կարդացեք նաև
ՀՀ ԱՆ ՔԿՎ հանրային կապերի բաժին
