Հայաստանի օլիմպիական հավաքականի անդամ, 77 կգ քաշային ծանրորդ Անդրանիկ Կարապետյանը, ով վնասվածքի պատճառով չէր շարունակել իր պայքարը, եկել էր ծանրամարտի դահլիճ:
Հայաստանի ծանրամարտի հավաքականի առաջատարներից մեկն այսօր՝ օգոստոսի 13-ին, հետևելու էր եկել 85 կգ քաշային ծանրորդների մրցելույթներին:
Իրեն հատուկ համեստությամբ` Անդրանիկը նստած էր տրիբունայում և հետևում էր տղաների մրցելույթներին, երբ կամավորներից մեկը նկատեց և ճանաչեց նրան, խնդրեց լուսանկարվել: Կարապետյանն, իհարկե, չմերժեց և լուսանկարվեց:
Կարդացեք նաև
Հայ մարզիկի՝ ոտքի կանգնելուն պես, նրա հետ լուսանկարվել ցանկացողների հերթ գոյացավ: Տարբեր ազգի ներկայացուցիչներ մոտենում, լուսանկարվում և առողջություն էին մաղթում նրան:
Կարապետյանը փոխանցեց, որ իրեն լավ է զգում և վստահեցնում է, որ իր հետ ամեն ինչ կարգին է, վախենալու և հուսահատվելու ոչինիչ չկա: Նաև շնորհակալություն հայտնեց բոլոր նրանց, ովքեր այս օրերի ընթացքում աջակցել և սատարում են նրան:
Ռիո դե Ժանեյրո, Բրազիլիա
ՀԱՕԿ լրատվության բաժին
Սիրելի Անդրանիկ, դու արեցիր ավելին, քան պետք էր, ու կարող էիր: Դու հերոս ես,
ամեն ինչ տվիր հաղթանակի համար: Կեցցես:
Տա աստված, որ մեր պետական այրերն էլ մեր երկրի ու ժողովրդի հզորացման ու բարորության
համար անեն գոնե այն, ինչ կարող են: Քո անմնացորդ նվիրվածությունը գործին թող վարակիչ
լինի նրանց համար:
Մնում եմ քո անմնացորդ երկրպագուն և ցանկանում շուտափույթ առողջություն, նորանոր մարզական
հաղթանակներ և հաջողություններ կյանքում: