Տնտեսագետ Արտակ Մանուկյանը կարծում է, որ Պուտինն այնքան էլ չի սխալվել՝ խոսելով 10 տոկոս ՀՆԱ-ի մասին։ «Դրամային արտահայտությամբ, 2013 թվականին՝ ԵԱՏՄ-ի անդամակցությանը նախորդող տարում, ՀՆԱ-ն կազմել է 4,55 տրիլիոն դրամ, իսկ 2015-ին՝ 5 տրիլիոն, այսինքն՝ աճել է 10 տոկոսով։ Դոլարային արտահայտությամբ 2013 թվականին ունեինք 11 մլրդ. դոլարի հասնող ՀՆԱ, իսկ 2015 թվականին ունեինք 10,5 մլրդ. դոլարի ՀՆԱ։ Այսպիսով, ՀՆԱ-ն դրամական արտահայտությամբ աճել է 10 տոկոսով, բայց դոլարային արտահայտությամբ 5 տոկոսով նվազել է»,- ասում է նա։
Սակայն նշված աճը, ըստ տնտեսագետի, որեւէ առնչություն չունի եւ որեւէ ձեւով պայմանավորված չէ ԵԱՏՄ-ին անդամակցությամբ։ «Մեր ՀՆԱ-ի աճում ամենամեծ չափաբաժինը կազմում են հանքարդյունաբերությունն ու գյուղատնտեսությունը։ Մեկը որոշակիորեն կապված է Ռուսաստանի հետ՝ գյուղմթերքները Ռուսաստան որոշ չափով արտահանվում են։ Բայց հանքաքարն ամբողջովին արտահանվում է եվրոպական շուկաներ, եւ փորձել ԵԱՏՄ-ի անդամակցության կոնտեքստում խոսել ՀՆԱ-ի աճի մասին, առնվազն փիառ ակցիայի է նմանվում եւ ոչ լուրջ վերլուծության։ ՀՆԱ-ն կարող է շատ աճել, բայց տնտեսական իրավիճակի բարելավման հետ դա կապ չունենա»,- ասում է տնտեսագետը։
Սյուզան ՍԻՄՈՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
