Այսօր «Պոստ Սկրիպտում» ակումբում անդրադառնալով Ալիեւ-Պուտին թեյախմությանը՝ ադրբեջանագետ Գրիգորի Այվազյանն ասաց. «Մենք խոսում ենք, որ Պուտինը թեյախմության է մասնակցել Ալիեւի տանը, բայց պետք է չմոռանանք, որ Պուտինը արդեն երկրորդ անգամ հրաժարվեց «Շահիդների պուրակ» մտնելը եւ այդ մարդասպաններին, որոնք Ղարաբաղի պատերազմում մասնակցում էին, Բաքվի ջարդերին էին մասնակցում, նրանց հարգանքի տուրք մատուցել: Դա ուղղակի Ալիեւի եւ ողջ Ադրբեջանի դեմքին թքել է նշանակում, իրենց դեմքին եւ իրենց այսպես կոչված սրբություններին: Այդ թեյախմությունը Ալիեւը հատուկ է անում, որ ՀՀ-ում տպավորություն ստեղծվի, թե իբր ՌԴ-ն նրանց կողմն է, բայց իրականության մեջ ՌԴ-ն չի կարող կողմ լինել ադրբեջանական շահերին: Դա ուղղակի ադրբեջանական հերթական էժանագին PR ակցիան էր: Չէին պատմում, չէ՞, որ այդ թեյը մի քանի անգամ մնաց Ալիեւի կոկորդի մեջ, որովհետեւ իրեն հուզող հարցերի պատասխանը Պուտինից ինքն այդպես էլ չստացավ ու չի ստանա: Դա էժանագին քաղաքական շոու էր»:
Ըստ Գրիգորի Այվազյանի, Իրանը եւ Ադրբեջանը հսկայական անհամատեղելի հակասություններ ունեն: Բանակցությունների նախաձեռնողը ադրբեջանական կողմն էր, որը երկար աշխատում էր, որ իրենց մոտ լինի հանդիպումը՝ քաղաքական հեղինակությունը բարձրացնելու համար: Այն, ինչ չհաջողվեց ապրիլյան պատերազմում անել՝ խայտառակ պարտություն կրելով, իրենց անզորությունը ապացուցելով ամբողջ աշխարհին, հիմա դիվանագիտության մեջ փորձում է հարթել. «Ալիեւը հոր գերեզմանի վրա երդում էր տալիս, որ Ղարաբաղը մի օրվա ընթացքում կազատագրի եւ խայտառակ պարտություն կրեց: Հիմա փորձում է սիրաշահելով ՌԴ-ին, Իրանին զիջումների գնալով՝ լուծումներ գտնել ու տպավորություն ստեղծել՝ իբր ՌԴ-ն ու Իրանը ԼՂՀ հարցում իրենց աջակցում են: Իրականության մեջ նրանք ոչ թե ՀՀ-ի շահերից ելնելով, այլ հենց սեփական շահերից ելնելով՝ շահագրգռված չեն տարածաշրջանում երկու թուրքական պետությունների՝ Ադրբեջանի եւ Թուրքիայի դիրքերի ուժեղացմանը: Իրանին եւ ՌԴ-ին Հայաստանը օդի պես անհրաժեշտ է՝ սեփական շահերից ելնելով, որ ստատուս քվոն պահպանվի»:
Գրիգորի Այվազյանն ասաց, որ համենայնդեպս պուտինյան ՌԴ-ն շատ լավ գիտակցում է, որ Ադրբեջանը երբեք Թուրքիայի շահերի դեմ չի գնալու. «Եթե Ադրբեջանն իր տարածքային նկրտումներին հասնի Հայաստանում, ապա հաջորդը Իրանն է լինելու: Թուրքիան նույնպես մեծ ցայտնոտի մեջ է գտնվում, թուլացած է եւ ուզում է աշխարհին ցույց տալ, որ ՌԴ-ի հետ նորմալ հարաբերություններ ունի, որ սակարկի ինչ-որ բան: Իրականում Թուրքիան խորքային հակասություններ ունի ՌԴ-ի հետ: Էրդողանը ծնկաչոք եղավ, ծունկի իջավ Պուտինի դեմ, որ ինչ-որ աջակցություն ստանա՝ Արեւմուտքին ցույց տալու, որ ինքը էլի մեկին պետք է: Բայց տապալվելու է ամեն ինչ: ՀՀ-ում էլ իզուր են սկսում այդպիսի ալիք բարձրացնել, թե միակողմանի զիջումներ են Հայստանից կորզելու Ղարաբաղի հարցում, իբր ՌԴ-ն կճնշի Հայստանին: Դա երբեք չի լինի, որվհետեւ ՌԴ-ի արմատական շահերին դեմ է, հանուն մեզ չեն անելու: Նրանք շահագրգռված չեն թուրք-ադրբեջանական տանդեմի ուժեղացմամբ»:
Ըստ Այվազյանի, այն, որ այդ հանդիպումներից հետո նախագահ Սերժ Սարգսյանը հրավիրվեց Մոսկվա, սա արդեն ցույց է տալիս դաշնակցային հարաբերությունների բարձր մակարդակը: Գրիգորի Այվազյանը համոզված է, որ հող միակողմանի զիջելու մասին խոսք լինել չի կարող. «Արյամբ ձեռք բերված հողը միայն նվաճում են, ոչ մի զիջում չի լինի»:
Կարդացեք նաև
Հռիփսիմե ՋԵԲԵՋՅԱՆ
Очередной путинский лизоблюд, старается спасти лицо путина! Какие ПОДРОБНОСТИ знает! Видимо его куратор из российских спец служб ему эту сказку рассказал!