Երեխաների սոցիալական հոգածության ցերեկային կենտրոնների աշխատակիցները, որոնք անմիջականորեն իրականացնում են երեխաների խնամք ու սպասարկում, առողջական վիճակի պարտադիր զննություն չեն անցնում ի տարբերություն շուրջօրյա խնամք իրականացնող բնակչության սոցիալական պաշտպանության ընդհանուր եւ հատուկ տիպի հաստատությունների աշխատակիցների: Վաղը կառավարության նիստում աշխատանքի եւ սոցիալական հարցերի նախարար Արտեմ Ասատրյանը որոշման նախագիծ կներկայացնի, համաձայն որի ցերեկային կենտրոնների աշխատակիցները նույնպես պետք է առողջության մասին տեղեկանք ունենան հակառակ դեպքում այդ հաստատություններում խնամվող երեխաների` տարբեր հիվանդություններով վարակվելու հավանականությունը մեծ է:
Խոսքը վերաբերում է այն կազմակերպությունների աշխատողներին, որոնք անմիջապես իրականացնում են երեխաների սպասարկումը:
Ըստ պարոն Ասատրյանի, նախագծի մշակումը պայմանավորված է երեխաների պաշտպանության ոլորտում իրականացվող բարեփոխումներով:
Լուսինե ԲՈՒԴԱՂՅԱՆ
