Վլադիմիր Պուտին-Ռեջեփ Թայիփ Էրդողան հանդիպումից հետո նույնիսկ չի վերացվել Ռուսաստանի կողմից Թուրքիայի քաղաքացիների նկատմամբ հունվարի 1-ից կիրառվող անցագրային ռեժիմը:
«Հայելի» ակումբում լրագրողների հետ հանդիպմանը թուրքագետ Հակոբ Չաքրյանը կարծիք հայտնեց, որ թեև թուրքական մամուլը հանդիպումը պատմական է համարել, բայց դրա արդյունքում Էրդողանն այդպես էլ չհասավ իր նպատակին. «Թուրքիայի նախագահը նպատակ ուներ տնտեսաառևտրային, քաղաքական հարաբերությունները Ռուսաստանի հետ հասցնել նախկին մակարդակի: Բայց նա դա չի կարողացել անել, կողմերն ընդամենը պատրաստակամություն են հայտնել հարաբերությունների բարելավման հարցում: Մոտ երեք ժամ տևած հանդիպումից հետո Էրդողանի ընկճված տեսքն ու Պուտինին շռայլվող գովեստները նշանակում են, որ առանձնապես այդ հանդիպումը նրան չի բավարարել, քանի որ Էրդողանն ուզում է արագ վերականգնել հարաբերությունները»:
Ըստ թուրքագետի` Թուրքիայի նախագահն իր նամակում Պուտինից բառացի ներողություն չի խնդրել, այլ թարգամանական նրբություն կար, որը հաշվի չի առնվել. «Թուրքերեն մի բառ կար նամակում, որը թարգմանել էին «извините», բայց այն իրականում նշանակում է «простите»` թող ներող լինեն: Էրդողանն այդ արտահայտությունն է օգտագործել»:
Տաթև ՀԱՐՈՒԹՅՈՒՆՅԱՆ
Կարդացեք նաև
