Քաղաքագետ Կարինե Գրիգորյանը չի բացառում, որ, իրոք, Սերժ Սարգսյանի նախաձեռնությամբ և ոչ թե Վլադիմիր Պուտինի հրավերով է այսօրվա` Սարգսյան-Պուտին հանդիպումը տեղի ունենալու:
Թեև քննարկման հստակ օրակարգ չի հայտարարվել մինչ այս պահը, սակայն քաղաքագետը կանխատեսում է, թե ինչ հարցեր կարող են քննարկվել երկու նախագահների հանդիպման ժամանակ:
«Հայելի» ակում լրագրողների հետ հանդիպմանը քաղաքագետն այս առիթով մանրամասնեց. «Սերժ Ազատիչն այսօր առաջին հերթին ներքաղաքական հարցեր է քննարկելու, դա նորմալ է: Նա բարձրացնելու է նաև տնտեսական խնդիրներ, մասնավորապես, որ Հայաստանի կողմից ՌԴ-ին հանձնված տարբեր օղակներ չեն գործում այս ոլորտում, աշխատատեղեր չեն ստեղծվում: Կքննարկվի նաև տարածաշրջանային իրավիճակը: Լեռնային Ղարաբաղի հարցը ևս արդիական է»:
Քաղաքագետը չի փորձում տրվել ասեկոսեներին, թե գուցե հանդիպման նախաձեռնությունն ամենևին էլ Սերժ Սարգսյանինը չէ, այլ Վլադիմիր Պուտինն է նրան «կանչել»՝ հաշվետու լիենլու: Քաղաքագետը հիմնվում է այն տեղեկատվության վրա, որին ինքն է տիրապետում, քանի որ ոչ հեռախոսազրույց է ունեցել, ոչ էլ «մոմ բռնել»: Ըստ նրա` լիովին տրամաբանական է, որ Սերժ Սարգսյանը, հաշվի առնելով ռուս-թուրքական հարաբերությունների ներկայիս փուլը, կարող էր նման նախաձեռնությամբ հանդես գալ. «Ի վերջո Սերժ Սարգսյանը մի պատանյակ չէ, նա երկրի ղեկավար է և երկրի համար է պատասխանատու: Նա իրավունք ուներ հանդիպել Վլադիմիր Պուտինին և հարցնել, թե ռուս-թուրքական հարաբերությունների այս փուլում ինչպես է տեսնում Հայաստանի ապագան: Նա նման հարցեր տալու իրավունք ուներ»:
Կարդացեք նաև
Անդրադառնալով ռուս-թուրքական հարաբերություններին` Կարինե Գրիգորյանը Էրդողանի ոճը հին արևելյան համարեց ու նկատեց, որ Էրդողանի նամակն ավելին էր, քան ներողությունը: Մինչդեռ Պուտինն իրեն ավելի սառը և հեռավորության վրա է պահում:
Ըստ քաղաքագետի` այս իրավիճակում Հայաստանը մանևրելու ընդարձակ դաշտ ունի, ինչի անհրաժեշտությունը պետք է գիտակցի ՀՀ իշխանությունը:
Դառնալով հայ-ռուսական հարաբերությունների գործունակությանը` տիկին Գրիգորյանը նկատեց, որ այդ դաշտում լուրջ թերություններ կան, անգամ մշակութային համագործակցությունը արգասաբեր չէ: Օրինակ բերելով «Ռոսգոսսոտրուդնիչեստվո» դաշնային գործակալության աշխատանքը, քաղաքագետը դա ոչ արդյունավետ գնահատեց ու նշեց. «Անգամ մշակութային ծրագրերը չեն աշխատում: Երկու-երեք տատիկ հավաքվում Պուշկինի օրեր են անում և ի՞նչ»:
Տաթև ՀԱՐՈՒԹՅՈՒՆՅԱՆ
Տիկին Գրիգորյան,կներեք,բայց երևի Դուք տեսողության հետ կապված խնդիրներ ունենք,կամ էլ շատ լավ քաղաքագետ եք:Ամբողջ աշխարհը լավ տեսավ թե ինչպես պ-ն Պուտինը նետվեց Էրդողանի գիրկը,բառիս բուն և փոխաբերական իմաստով:ԵՎ հետո,լավ քաղաքագետը պետք է կարողանա կարդալ գրվածի և ասվածի տողատակերը,հանդիպման մասնակիցների դեմքի արտահայտությունները,միմիկան,ժեստերը,որոնք երբեմն ավելի կարևոր են և ավելի շատ բան են ասում,քան բազմաթիվ ստորագրություններով հաստատված պայմանագրերը:Այնպես որ պետք չէ,ինչպես ասում են, ԼՈ-ԼՈ ԿԱՐԴԱԼ: Իսկ Հայաստանին,ինչպես միշտ փորձում են տալ մատաղացու գառնուկի կարգավիճակ,իր բոլոր հետևանքնորով:
Կարինե Գրիգորյան, ձեր ելույթը համապատասխան մարմինները գնահատեցին: Не пропадет ваш скорбный труд. И дум высокое стремленье.