Ռիո դե Ժանեյրոյում այսօր օլիմպիական խաղերի չորրորդ օրն է: Խաղարկվում է մեդալների 14 հավաքածու, սակայն Հայաստամը ներկայացուցիչ չունի:
Նախորդ երեք օրերին մեր 33 օլիմպիականներից մրցասպարեզ մտել է յոթ մարզիկ, որոնցից ճակատամարտում մնում են միայն երկուսը՝ մարմնամարզիկ Հարություն Մերդինյանը եւ բռնցքամարտիկ Վլադիմիր Մարգարյանը: Նրանք հաղթահարել են մեկնարկային արգելքը եւ ասպարեզում են:
բռնցքամարտիկ Վլադիմիր Մարգարյանը
Մարմնամարզիկ Հարություն Մերդինյանը
Ձյուդոիստ Հովհաննես Դավթյանը, հրաձիգ Հրաչիկ Բաբայանը, բռնցքամարտիկ Արթուր Հովհաննիսյանը եւ մարմնամարզիկներ Վահագ Դավթյանն ու Հուրի Գեբեշյանը արդեն դադարեցրել են պայքարը մեդալների համար:
Հրաձիգ Հրաչիկ Բաբայանը
Մարմնամարզուհի Հուրի Գեբեշյանը
Բռնցքամարտիկ Արթուր Հովհաննիսյանը
Ձյուդոիստ Հովհաննես Դավթյանը
Հուրի Գեբեշյանը թեեւ չհաղթահարեց որակավորման փուլը, սակայն Ռիոն նրա համար կմնա պատմության մեջ: Նախ, ամերիկաբնակ մարզուհին դարձավ սպորտի պատմության մեջ գեղեցիկ սեռի առաջին ներկայացուցիչը, որը Հայաստանը ներկայացրեց օլիմպիական խաղերի մարմնամարզության մրցաշարում: Երկրորդ, Հուրին զուգափայտերի վրա վարժությունում կատարեց մի նոր հնարք, որն այսուհետեւ կրելու է Գեբեշյան անունը: Հայաստանի օլիմպիական հավաքականի անդամ Հուրի Գեբեշյանի մրցելույթներին հետեւած մարզասերները նկատած կլինեն, որ նա յուրաքանչյուր մրցաձեւում ելույթն ավարտելուց հետո համբուրում էր մարզագործիքը: Բանն այն է, որ հանդիսատեսի սիրուն արժանացած Հուրին որոշել է Ռիոյի օլիմպիական խաղերով ավարտել մարզական կարիերան ու նա մեկիկ մեկիկ հրաժեշտ էր տալիս ամբողջ կյանքում իրեն ուղեկցած եւ շատ բան տված մարզական գործիքներին:
Կարդացեք նաև
Հայաստանը, այո, Ռիոյում դեռ մեդալ չունի, որովհետեւ մեր օլիմպիական հավաքականի ծանր հրետանին դեռ չի սկսել: Հայաստանի գլխավոր հարվածային ուժերը պայքարի մեջ մտնելու են վաղվանից:
Աշոտ ՀԱԿՈԲՅԱՆ
Լուսանկարները՝ armnoc.am-ի
