Ազատության հրապարակում մեկնարկած հանրահավաքում կանայք շարունակում են բանաստեղծություններ ընթերցել:
Մի կին էլ ընթերցեց իր չափածո բողոքը՝ իշխանություններին հարցնելով՝ մնաց Սեւանը, էդ էլ չե՞ք ծախում. «Գոչում ենք, ամենուր ձայնում, թե թուրքը սպանել, թալանել է մեզ եւ պահանջում ենք մեր պապենական հողերը հարազատ, մինչդեռ չենք պահում մեր ունեցածն իսկ…»:
Տիկնոջ բանաստեղծության մեջ կար նաեւ կոչ իշխանություններին.
«…Եթե մինչեւ իսկ դուք չեք կուրացել, արածներից, ուրեմն Աստված թող շանթ ու կայծակ թափի ձեր գլխին ու դուք կուրանաք.
Կարդացեք նաև
Սառնասիրտ պարոններ՝ մեր նախարարներ, դուք չհասկացաք Աստծո պարգեւը…
այնքան վերեւ ճախրեցիք, որ մոռացաք՝ ուր եք գնում, ժամը եկել է, որ գահավիժեք հատակն անդունդի,
անիծվեք դուք, չեք էլ ճանաչում դուք ձեր պապերին կամ
չե՞ք էլ լսում նրանք անեծք են տեղում ձեր գլխին, որ ծախիք արյունով ծնված ձեր նախնյաց հողը…
անիծվեք դուք, միթե արժան եք դուք ձեր տիտղոսին»:
Տիկինն իր բանաստեղծությամբ կասկածի տակ էր առել իշխանությունների հայ լինելը. «Արդոք ազնիվ արյուն է հոսում ձեր մեջ կամ էլ հայի, դուք նույն շուն թուրքն եք»:
Արփինե ՍԻՄՈՆՅԱՆ
