Ազատության հրապարակում մեկնարկած սակավաթիվ հանրահավաքը հիշեցնում է պոեզիայի երեկո: Հանրահավաքը վարում են քաղաքացիները, այսօր արդեն իսկ պարզ դարձավ, որ ձերբակալվել է նախորդ օրերին հավաքը վարող Հարություն Աղլամազյանը:
Հավաքվածներին այսօր դիմավորեց ներկաներից մի կին ու հավաքին տվեց պոետիկ ընթացք. «Հարությունին ձերբակալել են, բերման են ենթարկել, նույն բանն է, պարզվում է, որ մեր կառավարությունը որոշել է ստուգել մեր համբերության չափանիշը, թե որտեղ է ավարտվում սահմանը, վաղը կարող եմ ես էլ չլինել, բայց անհանգստանալու բան չունեմ: Պատվով մահն անպատիվ քարշով գոյատեւելուց շատ ավելի պատիվ է բերում: Գիտեմ մարդկանց, որոնք մեռած ու պատվազրկված ապրում են, իմ մահից հետո ավելի լավ կապրեմ, քան՝ իրենք: Ինչ բարոյական իրավունքով ոչ մի օրենք ու կարգ չխախտած երիտասարդին բռնեցին ու նենգաբար, ինչպես միշտ տարան, չե՞ք նկատում մի քիչ թուրքերին նմանություն՝ գիշերով, գաղտնի, հետեւից:
Հասկացա՞ք՝ որտեղ է մարդու ծագումը բացահայտվում, ամեն մեկդ ձեր որակի մեջ հարյուր հազար ոչխար կկոմպենսացնեք, հարյուր հազար ողորմելի դավաճան, ամեն տեղ դավաճաններ կան, ամեն մարդ Աստծուց կստանա»,- հայտարարեց տիկինը՝ ասելով, որ վաղը կառավարության շենք են գնալու ու իր խոսքն ուղղեց կառավարությանը՝ բանաստեղծությամբ.
Կարդացեք նաև
«Մարդ Աստծո, գիտե՞ս արդյոք՝ երբ ես Աստծո դեմ դավաճան դարձել, ինչ հրեշությամբ ես դու նրան վատնել… գոնե դու գիտես՝ ինչ ես արել, քո կենդանության օրոք ես թաղել, դահիճի նման առանց պատճառի քո ժողովրդին ես դատապարտել…»:
Արփինե ՍԻՄՈՆՅԱՆ
