Նկատի ունենալով ոստիկանների` հուլիսի 29-ի լույս 30-ի գիշերվա պահվածքը, երբ զանգվածային ծեծի ենթարկվեցին ցուցարարները, լրագրողները, լրագրողները արդարադատության նախարարի տեղակալ Արսեն Մկրտչյանից հետաքրքրվեցին` եթե ձեզ հետ նման դեպք պատահի, կոչ անեն ներել եւ մոռանալ, դուք կմոռանա՞ք, Արսեն Մկրտչյանն այսօր կառավարությունում ասաց, որ ինքը չի կարող մեկնաբանել նախագահի ուղերձը. «Ինքներդ ընկալեք, որովհետեւ հասարակության որոշակի խմբին էր ուղղված այդ կոչը»:
Այն հարցին էլ, թե պե՞տք է, արդյոք, ներողություն խնդրել ու մոռանալ, թե՞ իրավապահ մարմինները պետք է քննություն կատարեն, եւ մեղավորները պատասխանատվության ենթարկվեն, պարոն Մկրտչյանն ասաց. «Ես կարծում եմ՝ իրավական հարցերի քննությունը պետք է տարանջատել նախագահի խոսքից, ուղերձից: Այն, ինչ կատարվում է իրավական առումով, բնականաբար, իրավապահ մարմինները կրում են որոշակի պարտականություններ եւ դրանք կստանան իրավական որոշակի գնահատականներ: Նախագահի խոսքը՝ դա ուղերձ էր հասարակության կոնկրետ շերտերին»:
Լուսինե ԲՈՒԴԱՂՅԱՆ
