Դավիթ Սանասարյանի նկատմամբ խափանման միջոց է սահմանվել 2-ամսյա կալանքը, մինչդեռ Դավիթն առողջական լուրջ խնդիրներ ունի՝ երիկամների հետ կապված:
Aravot.am-ի հետ զրույցում նրա փաստաբան Ռոբերտ Ռեւազյանն ասաց, որ մինչ կալանքը նրա համար կիրառվել էր մեկ այլ հոդված, որի առավելագույն ժամկետը 3 ամիս կալանքն էր. «Ժամեր առաջ, որ պետք է լրանա 72 ժամը եւ իրեն պետք է ազատ արձակեն, իրեն նոր՝ ավելի ծանր մեղադրանք է առաջադրվում եւ կալանավորումը որպես խափանման միջոց է ընտրվում: Սա արդեն ցույց է տալիս, որ անձնական հետապնդում են իրականացնում»:
Փաստաբանն ասաց, որ Դավիթի ինքնազգացողությունը կտրուկ վատացել է: Հենց դատարանում մեջքի շրջանում սուր ցավեր է ունեցել, երբ ցավերը սաստկացել են, շտապօգնություն են կանչել. «Բժիշկները հետազոտեցին, հայտնեցին, որ հրատապ պետք է հետազոտվի ու նորմալ բուժում ստանա»:
Բժիշկները զգուշացրել են, որ եթե Դավիթ Սանասարյանն անհապաղ բուժօգնություն չստանա, դա կարող է լուրջ հետեւանքներ ունենալ իր առողջության համար:
Կարդացեք նաև
Մինչդեռ դատարանը գնացել է խորհրդակցական սենյակ ու հետո հրապարակել իր վճիռը, ըստ որի, ոչ թե Դավիթին տանում են հիվանդանոց, այլ՝ կալանավայր:
Հռիփսիմե ՋԵԲԵՋՅԱՆ
