Իշխանությունը հիմնական խնդիրը չի լուծել: Օգոստոսի 1-ին «Փաստարկ» մամուլի ակումբում լրագրողների հետ հանդիպման ընթացքում ասաց Միջազգային եւ անվտանգության հարցերի ինստիտուտի ղեկավար Ստյոպա Սաֆարյանը:
Նա նշեց, որ պետք է արդեն պատրաստ լինենք, որ Հայաստանում բռնությունների աճը արձանագրվելու է բոլոր հեղինակավոր կազմակերպությունների զեկույցներում, իսկ դրանք ազդելու են Հայաստանի վարկանիշի վրա, տնտեսության վրա, ներդրումների վրա, Հայաստանի հետ հարաբերությունների վրա:
«Մի բան է, թերեւս, այս ամեն ինչում մխիթարող: Իհարկե՛, թվում է, թե մենք ինչ-որ դեժավյուի զգացողություն ունեցանք 2008 թվականի մարտի 1-ի հետ, բայց տարբերությունը՝ արտակարգ դրություն չհայտարարվեց, այս ամենը արվեց մի փոքր այլ ռեժիմով եւ թերեւս սա շահեկան վիճակ էր ստեղծում 2016-ի եւ 2008-ի գործելակերպի միջեւ: Երկրորդը՝ մենք չունեցանք քաղաքացիական զոհեր՝ մենք 2008-ին ունեցանք ե՛ւ սպանված ոստիկան, ե՛ւ նաեւ 10 քաղաքացիականներ, այս անգամ ունենք անհամաչափ ուժի, բռնության ենթարկված լրագրողներ, բնակիչներ, նաեւ մարմնական վնասվածք ստացած քաղաքացիներ՝ նույն աչքը կորցրած երիտասարդը եւ այլ քաղաքացիներ:
Համենայնդեպս, այս մի ուժը կարծես թե փափուկ է թվում, քան այն ուժը, որը կիրառվել է 2008 թվականին, հետեւաբար 2008-ի ռեակցիան չի լինի պետության նկատմամբ, երբ ըստ էության դիրքերը շատ սասանվեցին միջազգային մակարդակում, բայց անպայման դա լինելու է, եթե իշխանությունը չգնա ոստիկանության եւ այդ վայրագությունները կատարած հրոսակախմբերի բացահայտմանը ու պատժմանը»,- ասաց Ստյոպա Սաֆարյանը:
Կարդացեք նաև
Ամի ՉԻՉԱԿՅԱՆ
