Այսօր ՊՊԾ գնդի տարածքում դիպուկահարի կրակոցից զոհված ՀՀ ոստիկանության զորքերի զինծառայող, ենթասպա Յուրի Տեփանոսյանի հուղարկավորությունն էր:
Հայրն աննկարագրելի ծանր վիճակում էր, միայն կանչում էր՝ «ա՜խ, Յուրո ջան, ա՜խ, Յուրո ջան», մայրը՝ ուշագնաց՝ շտապօգնության մեքենայի մեջ:
Հարազատները ոչ մի կերպ չէին կարողանում հասկանալ՝ ինչու այդպես ստացվեց, ով արեց:
Կարդացեք նաև
Եղբայրը վշտից հարվածում էր դին տեղափոխող մեքենային ու ասում, դու սրա՞ն էիր արժանի, մենակ ախպորս բան չլիներ:
Յուրի Տեփանոսյանի հուղարկավորությանը ներկա էր փոխոստիկանապետ Սամվել Հովհաննիսյանը: Հուղարկավորությունը հատուկ արարողակարգով էր:
Երբ Յուրիին իր տանից դուրս էին հանում, նրա ոստիկան ընկերներից շատերը պարզապես հոնգուր-հոնգուր լաց էին լինում ու հազիվ սրբում արցունքները:
Նրանք պարզապես ծնկի եկած ձեռքերի ափերով էին ուզում ողջ հողը լցնել իրենց գործընկերոջ դագաղին:
Հռիփսիմե ՋԵԲԵՋՅԱՆ
