Օգոստոսի 5-ին Ռիո դե Ժանեյրոյում մեկնարկում է 31-րդ ամառային օլիմպիական խաղերը:
Հայաստանն Անկախությունից ի վեր Խաղերին մասնակցում է, թերեւս, ամենաուժեղ կազմով: Ոլորտի պատասխանատուները, մասնագետները, հավաքականների մարզիչները խուսափում են կանխագուշակություններ անել, բայց ակնարկում են, որ Ռիոյում բավականին մեդալներ նվաճելու մեծ հույսեր կան:
Հաջող մասնակցության, ինչու չէ՝ նաեւ ոսկե մեդալի, մեծ սպասումներ ունենք հատկապես մեր հենակետային մարզաձեւերի ներկայացուցիչներից, այդ թվում ծանրորդներից: Հայաստանը օլիմպիական խաղերում ներկայացված է յոթ ծանրորդով՝ 5 տղամարդ եւ 2 կին: Ովքե՞ր են նրանք:
Տղամարդիկ:
77 կգ, Անդրանիկ Կարապետյան՝ աշխարհի առաջնության բրոնզե մեդալակիր, Եվրոպայի չեմպիոն, երիտասարդների աշխարհի չեմպիոն:
85 կգ, Առաքել Միրզոյան՝ Եվրոպայի չեմպիոն:
105 կգ, Սիմոն Մարտիրոսյան՝ պատանիների աշխարհի չեմպիոն, պատանեկան օլիմպիական խաղերի հաղթող, Եվրոպայի առաջնության բրոնզե մեդալակիր:
105+, Գոռ Մինասյան, աշխարհի առաջնության բրոնզե մեդալակիր, Եվրոպայի առաջնության արծաթե մեդալակիր, 20 տարեկանների աշխարհի արծաթե մեդալակիր, պատանեկան օլիմպիական խաղերի արծաթե մեդալակիր:
Ռուբեն Ալեքսանյան, Եվրոպայի առաջնության արծաթե մեդալակիր, աշխարհի երիտասարդների չեմպիոն:
Կարդացեք նաև
Կանայք:
69 կգ, Նազիկ Ավդալյան՝ աշխարհի չեմպիոն, Եվրոպայի չեմպիոն:
75 կգ, Սոնա Պողոսյան՝ Եվրոպայի առաջնության 4-րդ տեղ, Եվրոպայի երիտասարդական առաջնության արծաթե մեդալակիր:
ԱՇՈՏ ՀԱԿՈԲՅԱՆ
«Առավոտ»
30.07.2016
