Մարկոս քահանա Մանգասարյանը ֆեյսբուքյան իր էջում արել է հետեւյալ գրառումը.
«Այսուհետ պատարագի ժամանակ այն հատվածում, որտեղ պատարագիչ քահանան ասում է, թե բոլոր նրանք ովքեր երախայից կամ ապաշխարության շրջանի մեջ են, թերահավատ են կամ անմաքուր, թող չմոտենան Սուրբ Հաղորդությանը, ես կավելացնեի նաև ոստիկաններին (արժանապատիվ անձանց չհաշված, բնականաբար)։ Եղբոր վրա ձեռք բարձրացնող ու մոլագարի նման ջարդող, ջարդից հաճույք ստացող ոստիկանը կամ այլ մեկը նզովյալ լինի, այսինքն` Եկեղեցու Սուրբ Հաղորդությունից զրկված ու Եկեղեցուց դուրս թողնված։ Մինչև չապաշխարեն ու չմաքրվեն, փրկություն չկա»:
Մարկոս քահանա Մանգասարյանը ի դեպ վաղը հրավիրում է Սուրբ Գայանե վանք` «Պատարագի ընթացքում աղոթելու մեր հայրենիքի խաղաղության ու ստեղծված անցանկալի իրավիճակի անարյուն (գոնե հետայսու) հանգուցալուծման համար»:
Հանելուկ. ՀՀ ոստիկաններից ո՞վ ա ամենաշատը եկեղեցիներում երեւում: Իրանից էլ սկսեք: