«Ժողովրդավարական Հայրենիք» կուսակցության Հայտարարությունը
Հուլիսի 17-ին «Սասնա ծռերի» կողմից ՊՊԾ-ի գնդի գրավումից հետո վարչախումբն իրեն սպասարկող լրատվամիջոցներով մի կողմից քարոզում է, որ պետք անել հնարավորը, որպեսզի առանց արյան հանգուցալուծում լինի, միաժամանակ տմարդի ձևով` սադրանքներով, դիպուկահարներով ամեն օր տղաների վրա կրակում, վիրավորում, առանց ապաքինման տեղափոխում բանտախցեր, կտտանքների ենթարկում:
Հերթական անգամ իր ամբողջ ուժով գործի է դրվել իրենց օրենքից դուրս համարող այսպես կոչված իրավապահ համակարգը, հատկապես ոստիկանությունը` իրենց բուծած քրեական տարրերի հետ համատեղ, որոնք Երևանի փողոցներում հարյուրավոր մարդկանց են առևանգում բռնաճնշումների ենթարկում, ճնշումներից զերծ չեն մնացել նաև լրագրողները, իսկ հուլիսի 29-ին նրանք իսկական պատերազմ հայտարարեցին փողոց դուրս եկած ժողովրդին և լրագրողներին: Ոստիկանության ներքին զորքերի, քաղաքական հագուստով ոստիկաների և քրեական տարրերի համատեղ ջանքերով ՊՊԾ գնդի հարակից բնակավայրերում մարդաորս է կազմակերպվել, ինչը հիշեցնում է 2008 թ-ի մարտի 1-ը: Տրամաբանական է արյունով եկած վարչախումբը արյունով էլ հեռանալու է:
«Ժողովրդավարական Հայրենիք» կուսակցությունը կոչ է անում վարչախմբի պարագլուխներին սթափվել և բանակցություններ սկսել Ժիրայր Սեֆիլյանի հետ, որպեսզի կանխվի հետագա էլ ավելի մեծ արյունահեղությունը:
Կարդացեք նաև
ԺՀԿ նախագահ Պ. Մակեյան
30.07.2016
