Էրեբունի բժշկական կենտրոն այս պահի դրությամբ տեղափոխվել է 14 հիվանդ։ Այս մասին լրագրողներին հայտնեց բժշկական կենտրոնի գործադիր տնօրեն Միքայել Մանուկյանը։
Նա նշեց, որ 14 հիվանդներից երկուսն են քաղաքացի. «Մեկի մոտ կար ծնոտի կոտրվածք, ինչի կապակցությամբ վիրահատություն է կատարվել, վիճակը հիմա բավարար է՝ տեղափոխվում է վիրահատարանից։ Քաղաքացիներից մյուս հիվանդը ուներ ցնցում, նույնպես բավարար վիճակում էր, հիմա գտնվում է հիվանդասենյակում, կատարվում են համապատասխան բուժական գործողություններ։ Նաեւ ընդունվել են ոստիկաններ, նրանցից մեկը՝ բավականին ծանր որովայնի հրազենային վնասվածքով, ծանր հաստ աղիքի վնասումով։ Այս պահին մենք հիվանդին վիրահատում ենք։ Նաեւ կար ներքին արյունահոսություն»:
Միքայել Մանուկյանը մեզ հայտնեց, որ մնացած ոստիկանները ստացել են բեկորային վնասվածքներ, նրանք հետազոտությունից հետո ստացել են համապատասխան վիրահատական մշակում, այժմ գտնվում են հիվանդասենյակում։
Ամի ՉԻՉԱԿՅԱՆ
Կարդացեք նաև
