Մոտ երկու ժամ առաջ ոստիկանների եւ քաղաքացիների միջեւ տեղի ունեցած բախումներից հետո մայրաքաղաքի Սուրբ Գրիգոր Լուսավորիչ հիվանդանոց նույնպես քաղաքացիներ են տեղափոխվել:
Գրիգոր Լուսավորիչ բժշկական կենտրոնի փոխտնօրեն Գագիկ Մանուկյանի տվյալներով, այս հիվանդանոց մոտ քսան քաղաքացի է բերվել Սարի թաղում, Նար-Դոս փողոցներում տեղի ունեցած բախումների վայրից, որոնց վիճակը բժիշկների նախնական գնահատմամբ միջին ծանրության են: Երկու հոգու վիճակը գնահատվում է ծանր: Մեկի աչքն է վնասվել, մյուսի՝ վերջույթները: Ընդհանուր առմամբ մարդիկ հիվանդանոցներ են տեղափոխվել տարբեր աստիճանի այրվածքներով:
Ըստ նույն աղբյուրի՝ բժիշկներն այս րոպեներին փորձում են վիրահատել քաղաքացու աչքը:
Հիվանդանոցի մոտ հավաքվել են տուժած քաղաքացիների հարազատները:
Կարդացեք նաև
«Ազատություն» ռադիոկայանի թղթակցի հարցին, թե ծանր վիճակում գտնվող քաղաքացիների կյանքին վտանգ սպառնո՞ւմ է, բժիշկներն ասել են՝ առայժմ չեն կարող ասել:
Լուսինե ԲՈՒԴԱՂՅԱՆ
