Խորենացի եւ Սարի թաղ տանող բոլոր հնարավոր ճանապարհները փակ են՝ ճանապարհային ոստիկանության մեքենաները կանգնած են դեպի այդ փողոցներ տանող ճանապարհներին: Փակ են Տիգրան Մեծ-Ագաթանգեղոս, Արշակունյաց-«Փեթակի» խաչմերուկ, «Վստրեչի» կամուրջից դեպի Տիգրան մեծ, Տիգրան Մեծ-Քաջազնունի խաչմերուկները:
Բնակիչներ կան, որոնք սեփական մեքենաներով ուզում են տուն գնալ, բայց նրանց մեքենայով թույլ չեն տալիս, փաստաթղթերն են ստուգում: Ընթացքում նկատեցինք, որ մի քանի մեքենայի թույլ տվեցին անցնել, բայց որեւէ տաքսի կամ հանրային տրանսպորտ այդ բոլոր ճանապարհներով չեն անցնում:
Նելլի ԲԱԲԱՅԱՆ
